Сиатл-Улаанбаатар чиглэлийн тусгай үүргийн нислэг өнөөдөр 10:45 цагт “Чингис” хаан олон улсын нисэх буудалд газардлаа. Тус нислэгээр нийт 255 иргэн эх орондоо ирж байна.
УИХ-ын ээлжит сонгууль болж байгаатай холбоотойгоор бүх нийтээрээ амарч байгаа. Өнөөдөр гадна болон битүү талбайд үйл ажиллагаа явуулдаг томоохон худалдаа үйлчилгээний төвүүд ажиллахгүй гэдгийг албаныхан мэдээлсэн.
УИХ-ын 2020 оны ээлжит сонгуулийн санал хураалт өнөөдөр /2020.06.24/ эхэллээ. Энэ өдөр бүх нийтээрээ амарч, иргэд саналаа өгөх юм. УИХ-ын сонгуулийн тухай хуулийн 9.3-т ээлжит сонгуулийн санал авах өдөр бүх нийтээр амарна хэмээн хуульчилсан. Иймд өнөөдөр /2020.6.24/ дугаарын хязгаарлалт үйлчлэхгүй.
Сонгуультай холбоотойгоор цагдаа, дотоодын цэргийн байгууллага өндөржүүлсэн бэлэн байдалд шилжин нийт алба хаагчид Монгол Улсын Их Хурлын 2020 оны сонгуулийн хэсгийн хорооны хэв журмын хамгаалалт, гудамж талбайд гэмт хэрэг, зөрчил үйлдэгдэхээс урьдчилан сэргийлэх эргүүлийн үүрэг гүйцэтгэн ажиллаж байна.
