Монголын чөлөөт бөхийн холбоог их аварга Д.Дагвадорж тэргүүлж байгааг уншигч та бүхэн мэдэж байгаа биз ээ. Асашорюү нь сумогийн түүхэн дэхь хамгийн амжилттай ёкозүна нарын нэг бөгөөд нийт 25 удаа макүүчид түрүүлсэн Мэргэжлийн сумо бөхийн 68-дахь их аварга юм.

Их аварга Д.Давгадорж өөрийн твиттер хуудаснаа "Би Монгол ахан дүүстэй өртэй хүн. Олимпийн аварга төрүүлж өгнө өө. Тэрний төлөө үхэн хатан зүтгэнэ" хэмээн жиргээсэн юм.

Энэ тухай тэрбээр  “Амны билгээс ашдын бэлэг. Монголын чөлөөт бөхийн холбоо үүсгэн байгуулагдсанаасаа хойш  мөнгө, хүрэл медалийг олонтой авч байсан. Харин алтан медалийг хараахан авч амжаагүй байна.  1980 оны олимпоос хойш бүхэл бүтэн 32 жилийн дараа хүрэл медаль авсан.  Өнгөрсөн жил дэлхийн аваргаас эрэгтэй тамирчид амжилт гаргаж тасраад байсан медалийг авчирлаа. Миний жиргээ бол миний хамгийн гол хүсэл мөрөөдөл минь. Мөрөөдөл бүтэхгүй гэж хэлж болохгүй. Тиймээс би амжилтын төлөө зүрх сэтгэлээ зориулж спортыг дэмжиж ажилладаг. Мөн найз нөхдүүд минь дэмжиж энэхүү уриалгыг гаргасан юм. Аливаа хүн хүсэл түмүүлэлдээ хүрье гээд зүтгэвэл амжилтад хүрдэг шүү дээ. Би тийм л замаар явж ирсэн хүн" хэмээн өөрийн сэтгэгдлээ хуваалцлаа.

Д.Ана