Сүүлийн өдрүүдэд экс Ерөнхийлөгч Ц.Элбэгдорж маань цахим орчин дахь идэвхитэй хэрэглэгчдийн нэг болоод байгаа юм.

Хамгийн сүүлд хийсэн LIVE-ыг нь олон мянган хүмүүс үзэж, тэрээр одоогийн ерөнхийлөгч Х.Баттулгыг "ХУЛГАЙЧ" хэмээн тодорхойлоод амжсан билээ. 

Тэгвэл өнөөдөр тэрээр "Ерөнхийлөгч Х.Баттулгын хөөцөлдөн бүрдүүлж, гараараа прокурорт биечлэн өгсөн Таван толгойн асуудлаар АТГ-аас намайг дуудлаа. Зангиагаа зүүгээд, гутлаа тослоод гаръя даа" хэмээн зангиа зүүж, гутлаа тосолж буйн зургийн хамт жиргэжээ. 

Ямартай ч экс ерөнхийлөгч маань АТГ-т шалгуулахдаа юунаас ч айхгүй байгаа бололтой. Ийнхүү эр зоригтойгоор шалгуулж буй түүний асуудал Намбарын Энхбаярых шиг болоод дуусахгүй гэдэгт найдъя. 

www.Seen.mn