Монгол улсын Ерөнхийлөгч Х.Баттулга, Э.Бат-Үүл нь нэр төрд халдсан хэмээн цагдаагийн байгууллагад хандсан. Үүний дагуу зөрчлийн хэрэг үүсгэж Э.Бат-Үүлийг хоёр сая төгрөгөөр торгосон. 

Э.Бат-Үүл үүнийг эсэргүүцэн Сүхбаатар дүүргийн эрүүгийн хэргийн анхан шатны шүүхэд хандсан бөгөөд өнөөдөр зөрчлийн хэргийг хянан шийдвэрлэх шүүх хурал боллоо. Тодруулбал, Монгол улсын Ерөнхийлөгч Х.Баттулгын  гомдолтой Э.Бат-Үүлд холбогдох Зөрчлийн тухай хуулийн 6.21 дүгээр зүйлийн 1 дэх хэсэг /6.21 дүгээр зүйл.Гүтгэх, 1.Хүний нэр төр, алдар хүнд, хуулийн этгээдийн ажил хэргийн нэр хүндийг гутаан доромжилсон худал мэдээллийг нийтэд дэлгэсэн, эсхүл мэдээллийн хэрэгсэл, нийтийн сүлжээгээр тараасан бол хүнийг хоёр мянган нэгжтэй тэнцэх хэмжээний төгрөгөөр, хуулийн этгээдийг хорин мянган нэгжтэй тэнцэх хэмжээний төгрөгөөр торгоно/-т заасан зөрчлийн хэргийг Сүхбаатар дүүргийн Эрүүгийн хэргийн анхан шатны шүүхэд хэлэлцэх байсан боловч даргалагч шүүгч эрүүл мэндийн шалтгааны улмаас шүүх хуралдааныг тодорхойгүй хугацаагаар хойшлуулсан байна.

Уг хэргийн талаар бид эргэж мэдээлэх болно.