БНХАУ-аас гадна коронавирусээр халдварласан хүний нийт тоо 10 мянга давсан тухай Дэлхийн эрүүл мэндийн байгууллага /ДЭМБ/ мэдээллээ.

ДЭМБ-ын цахим хуудсанд гарсан мэдээллээс үзвэл, сүүлийн 24 цагийн хугацаанд 1792 шинэ тохиолдол илэрсний дараа БНХАУ-аас гадна халдвар авсан нийт хүний тоо 10 566-д хүрсэн бол 166 хүн нас баржээ /37 хоногийн хугацаанд/.

Вирусийн халдвар Португал, Саудын Араб, Тунис, Марокко, Латви, Андорра, Иордан, Сенегал гэсэн найман улсад шинээр бүртгэгджээ. ДЭМБ-ын хамгийн сүүлийн мэдээллээр, БНХАУ-д халдвар авсан хүний тоо 80304 болж, 2946 хүн нас барсан байна. Дэлхий даяар коронавирусийн халдвар авсан нийт хүний тоо 90 870 болжээ.

 

 

Д.Жаргал

Эх сурвалж: Монцамэ агентлаг