Өнөөдөр өглөө 08:19 цагийн үед Яармагийн замын \British school\ хойд гарцан дээр 10 настай хүүхэд “Honda CR-V” маркийн автомашинд дайруулсан зам тээврийн осол дахин бүртгэгджээ.

Одоогоор хүүхдийн биеийн байдал тогтвортой, ил харагдах шархгүй бөгөөд эмнэлэгт хүргэгдэн нарийн шинжилгээнд хамрагдаж байна гэж Тээврийн цагдаагийн албанаас мэдээллээ.

Өчигдөр мөн /2020.10.05/ өдрийн 16:48 цагийн орчимд Хан-Уул дүүрэг /ХУД/-ийн 6 дугаар хороо Чингисийн өргөн чөлөө, Яармагийн эмнэлгийн хойд зам, явганы гарцан дээр “BMW X3” маркийн автомашины жолооч Б нь явган хүний гарцаар гарч байсан явган зорчигч Б, О нарыг мөргөсөн ноцтой зам тээврийн осол гарсан талаар бид мэдээлсэн билээ.