Дээрэмдэх төрлийн хэргүүд ойрын өдрүүдэд өсөх хандлагатай байна. Тухайлбал, өчигдөр БГД-ийн 22-р хороонд өглөөний 10.00 цагийн орчимд 38 настай Б-г 20 настай Т бусадтай бүлэгдэн дээрэмдсэн, ХУД-т 48 настай Э-ийн гар утсыг 27 настай У дээрэмдсэн, БГД-ийн 18-р хороонд 23 настай О-д хутга тулган үл таних этгээдүүд айлган сүрдүүлж, 40 мянган төгрөг, банкны картуудыг нь дээрэмдэж, зугтсан хэргүүд гарчээ.

Хэрэг үйлдсэн этгээдүүдийг цагдаагийн алба хаагчид олж тогтоон, шалгалтын ажиллагааг үргэлжлүүлж байгаа аж.