Эмнэлгийн тусгай зөвшөөрөлгүй жуулчны визээр Монгол Улсад орж ирсэн Солонгос иргэд эмчилгээ хийж байсан хэрэг гарсан. Тэд оффисын өрөөнд үзлэг хийж байсан бөгөөд Солонгос Улсын “Есанг Самсунг” эмнэлэгийнхний Монгол Улсад хийж байгаа эрүүл мэндийн үзлэг, оношлогоог Мэргэжлийн хяналтын Ерөнхий газар, Гадаадын иргэн харъяатын асуудал эрхлэх газрын хамтарсан шалгалтаар илрүүлж үйл ажиллагааг нь зогсоосон талаар бид өмнө нь мэдээлж байсан билээ.

Тэгвэл энэ сарын 6-нд Баянзүрх дүүргийн хоёрдугаар хорооны нутаг дэвсгэрт байрлах “Гэрэлт-Ирээдүй” гэх Христийн сүмд үе мөч, гэмтлийн нөхөн сэргээх үзлэг хийж байгаа тухай мэдээлэл Баянзүрх дүүрэг дэх  Мэргэжлийн хяналтын хэлтэст иржээ.

Уг мэдээллийн дагуу эмнэлэг, тусламж, үйлчилгээний чанар аюулгүй байдлын хяналтын улсын байцаагч О.Ёндонцоо, н.Төгсмаа нар очиж шалгахад, Монголын тав, гадны хоёр эмч сүмд олон зуун хүнийг цуглуулж, зориулалтын бус газар үзлэг, эмчилгээ хийж байсан аж.

Тус христийн цуглааны байранд ир­гэ­дэд үнэ төлбөргүй хийгдэж бай­гаа эмчилгээ, үйлчилгээг АНУ-ын ир­гэн, хүний их эмч мэргэжилтэй гэх DR. Hanson, P.Wong нарын хоёр, Монгол Улсын иргэн таван  их эмч нар хамтран  иргэдийн биеийн үений холбоосонд та­рил­гын холимогыг  600 гаруй хүнд хийсэн байна.

               

Тод­руул­бал, глюкоз 20 хувь, ли­до­каин хоёр хувь, витамин В12-ыг хооронд нь хольж, шингэн та­рил­га бэлтгэснээрээ иргэдэд та­рьж,  үйлчилжээ. Иргэдэд үйлч­лэх­дээ найруулсан тарилгын уус­ма­лыг тариурт урьдчилан хийж бэлтгэсэн 500 хүн/тун/, эм­нэл­гийн тусгай хог хаягдлыг заав­рын дагуу цуглуулаагүй, шал, ши­рээ зэрэгт цус дуссан, өвчтөнд хэ­рэг­лэ­сэн бохир зүү тариур, хэ­рэг­лэ­хээр бэлтгэсэн тарилгын уус­мал­тай тариурыг нэг ширээнд зэ­рэг­цүүлэн байрлуулсан, гар угаах нөхцлөөр хангагдаагүй байсан аж.

Мөн нэг өрөөнд 6-8 хүнд нэгэн зэрэг асептик, ан­ти­септик баримтлахгүйгээр өв­дөг­ний үе, хүзүү, сээр, нурууны үений холбоосонд олон удаа хат­галт хийж тарилгын уусмал ша­хаж байгаа нь халдвар хам­гаал­лын дэглэмийг ноцтой зөрчээ.

      

АНУ-ын хоёр эмч жуулчлалын ви­зтэй Монголын хилээр нэвтэрсэн байна. Тэд энэ сарын 8-нд визний хугацаа нь дуусаад нутаг буцсан байна. Тэдний нэг нь Хятад гаралтай Америк иргэн нь Манай улсад Хонг­кон­гийн паспортоор орж иржээ. Харин нөгөө нь АНУ-ын ир­гэн. Тэ­дэнд 1.5 сая төгрөгийн тор­гууль тавьж, эм, тариаг нь ху­рааж, устгалд оруулж, улсын ор­лого болгожээ.

   

Харин монгол эмч нарт буруу эмчилгээ хий­гээ­гүй, хүний эрүүл мэнд, бие мах­бодид ноцтой хохирол учруулаа­гүй болохоор цагдаагийн бай­гуул­лагад шилжүүлэх хууль, эрх зүйн үн­дэс­лэл байхгүй. Эрүүл мэндийн ту­хай хуулийн 25.4-д  хөдөлмөрийн хөлс­ний доод хэмжээг 5-10 дахин мөн­гөн торгууль ногдуулах гэж заа­снаар торгууль тавьсан аж.

АНУ-ын ир­гэн гэх хоёр эмч Эрүүл Мэндийн Яамнаас эмч­лэх эрхийн зөвшөөрөл аваа­гүй байжээ. Үүнээс харахад ЭМЯ, нийслэлийн ЭМГ-ын уялдаа холбоо, ажлын хариуцлага алга. Ийн хэлэхийн учир нь манай улсад эмч гэх нэр зүүсэн гадны иргэд үзлэг, эмчилгээг их хийж буй. Гэтэл тэд зүгээр л жуулчны визээр "Дархан" хилийг нэвтэрч, ирсэн хойноо Монгол Ул­сын хууль, журмыг зөрчөөд бай­гаад эмгэнэж байна.

Христийн сүм гэх байр монгол нутаг дэвсгэрээр олширох нь ихэссэн энэ үед тэнд ганцхан ширээ дэлгээд эмчилгээ хийж байгааг салбар нь мэдэхгүй байгаа нь бас л хачин. 

Манайхан болсон хойно үнэгүй юманд нугасгүй жишгээрээ тэрхүү эмч нарт ийм олноороо очиж үзүүлж, юунд сайн гэж хийж байгаа нь тодорхойгүй тариаг хийлгэсэн байгаа юм. Монгол улсад хууль эрх зүйн нарийн зохи­цуулалт хэрэгтэй байгаа нь тод жишээ энэ.

             

Мэргэжлийн хяналтын байцаагч нар эмчилгээ хийгэж байсан иргэдэд  “Уучлаарай та нар, монголын ард түмэн. Бидэнтэй л адил монгол хүмүүс. Тиймээс харсаар байж, гадныхан ингэж монголын хууль, журмыг зөрчүүлж чадахгүй тарцгаа" гэхэд муу сайн болсон юмнууд та нарыг ирээгүй байсан бол бид үнэгүй эмчилгээ хийлгэх байлаа гэсэн байна. Иргэдээс та нар ямар эмчилгээ хийлгэж байгаа юм бэ? гэж асуухад  тэд "юуг нь мэдэхгүй ч үнэгүй юм чинь ямар хамаатай юм бэ” хэмээн хариулсан байна.

Монгол иргэдийн хариултаас харахад өөрсдийнхөө алтан амийг хаанахын хэн гэгчид даатгаад ямар тариа хийлгэж буйгаа ч мэдэхгүй гадны гэсэн болгоныг шүтэн биширч байгаа нь харамсалтай.

Энэ мэтчлэн гадны иргэд манай улсад дороороо авирлаж, дор зоргоороо аашилж буй нь хэрээс хэтэрлээ.