Өнгөрсөн жил 100 айл дахь Сэлбийн хос гүүрний нэг талыг засан ашиглалтад оруулсан билээ. Тэгвэл энэ жил нөгөө талын засварын ажлыг эхлүүлэхээр болжээ.

Нийслэлийн авто замын газрын мэдээлснээр хос гүүрний өргөтгөлийн бэлтгэл ажил хангагдаж байгаа бөгөөд засварын ажлыг ирэх сараас эхлэхээр болжээ. 32 метр өргөн, нэг талдаа 3 эгнээ хос гүүрний засварын ажилд 2 тэрбум төгрөг төсөвлөсөн байна. Засварын ажлыг “Моторс сервис” компани гүйцэтгэн, зөвлөхөөр Солонгосын “Soosung” компани ажиллаж байгаа юм. Гүүрний өргөтгөлийн засварын ажил төлөвлөгөө ёсоор долдугаар сард дуусах аж.

С.Отгон