Ерөнхий сайдын ууган охин А.Наранмандах өчигдөр гал голомтоо бадрааж, билэгдэл хуримаа хийлээ. Түүний нөхөр барилгын салбарт хүч үзэж яваа залуу бизнесмен М.Алтанцог хэмээх залуу гэнэ.

Хосууд хамтдаа амьдраад багагүй хугацаа өнгөрсөн бөгөөд А.Уянга хэмээх хөөрхөн охинтой аж. Ерөнхий сайд зээ охиндоо ёстой л нэг “амь” гэнэ. “Надтай адилхан байна уу” хэмээн найзууддаа ярьж өхөөрддөг гэнэ.

Тэдний хурим “Sky resort”-д болсон бөгөөд улс төрийн хүрээнийхэн нэлээдгүй очсоны зэрэгцээ Шинэчлэлийн Засгийн Газрын сайдууд хосуудад бие биедээ түшиг болж ,насан туршдаа аз жаргалтай амьдрахын ерөөл дэвшүүлж, аз жаргал хүссэн байна.   

Өнгөрсөн хүүхдийн баяраар бяцхан охиноо олонд танилцуулж байсан Ерөнхий сайд маань ийнхүү ууган охиноо хадамд гаргаж амьдралд нь зол жаргал ерөөлөө.

Х.Хорлоо