Агуу хайрын тууль Уилльям Шекспирийн “Ромео Жульетта” мюзиклийг дахин тоглох болсонтой холбогдуулан тус мюзиклийн уран бүтээлчид өнөөдөр 12:00 цагаас "Монгол Ньюс" мэдээллийн танхимд хэвлэлийн хурлаа хийлээ.

Дэлхий сая сая үзэгчдийн зүрх сэтгэлийг байлдан дагуулагч агуу хайрын тууль Уилльям Шекспирийн “Ромео Жульетта”-г Францын хөгжмийн нэрт төлөөлөгч, хөгжмийн найруулагч Жэрард Прэсгурвичийн хөгжмийн найруулгаар “Сонгодог мюзик” продакшны захирал З.Лхагвадорж найруулан тавьж буй “Ромео Жульетта” сонгодог мюзикл жүжгийг ирэх 07-р сарын 14,15-нд 19:00-н цагаас "UB Palace"-ын их танхимд хоёрхон удаа дахин тоглохоор болжээ.

Ази тивд анх удаагаа тоглогдсон “Ромео Жульетта” мюзиклын Ромьеогийн дүрд “А-Cappella хамтлагийн дуучин Ц.Мөнх-Од, Жульеттад “Классик жем” хамтлагийн дуучин Б.Отгончимэг, өрлөг эхэд УГЖ, дуучин Б.Сарантуяа, ноён Капулетэд дуучин Б.Цогтдэлгэр, хатагтай Капульетэд УДЭТ-ын жүжигчин Б.Нармандах нар тоглож байгаа бөгөөд монголын урлаг соёлын 350 гаруй уран бүтээлчид 50 гаруй дуу дуулж оролцож байгаа гэнэ.

“Ромео Жулетта” мюзиклийг тус жүжгийн анхны багийнхан нэгдэж дахин тоглохоор шийдсэн бөгөөд  өмнө нь 100 ам доллараар тоглогдсон бол энэ удаад 50 ам долларын үнэтэйгээр тоглогдох гэнэ.

Ийнхүү “Ромео Жульетта” сонгодог мюзикл жүжгийн албан ёсны онлайн түгээгч, мэдээллийн ерөнхий ивээн тэтгэгчээр мэдээллийн №1 хөтөч www.DORGIO.mn сайт ажиллаж бөгөөд жүжигтэй холбоотой шинэ шинэлэг мэдээ мэдээллийг цаг тухай бүрт нь мэдээлж байх ажээ.

 photo IMGM6324_zpsedc65b2b.jpg  photo IMGM6321_zps1a5cb5f7.jpg  photo IMGM6320_zps4de58914.jpg  photo IMGM6319_zpsf5887bbb.jpg  photo IMGM6315_zps89070dc6.jpg  photo IMGM6314_zpsff5fa064.jpg  photo IMGM6311_zps9c7e6aed.jpg  photo IMGM6310_zpsbb74f63a.jpg