Өөрийнхөө дуу хоолойг дууны урлаг мөнхөлж яваа бүсгүй бол А.Хишигдалай. Тэрбээр эрэлт ихтэй залуу дуучдын тоонд зүй ёсоор багтдаг болсон гэнэ лээ. Тиймдээ ч энэ тэндхийн арга хэмжээнд уригдан ая дуугаа өргөдөг. Тэгвэл Өмнөговь аймгийн ойн баярт дуулж байхдаа "батгана" иджээ. Энэ тухайгаа "Энэ зун Өмнөговь аймагт ойгоор дуулав аа. Аая зүгээр бөөн алга ташилтан дунд “Баярлалаа, оройн мэнд” гээд л дуулж гарав аа. Нэг хурган орилдог хэсэг байдаг юм. Тэрийгээ чадах юм чинь гэж бодоод баавартай аваад л орилов оо. Надаар чамайг уучлуулна аа, эээ аааа гээд л. Тэгсэн чинь нисч явсан нэг ялаа ам руу орчихдог юм байгаа биз дээ. Ядаж байтал ялаа ч биш батгана буюу “баасны ялаа” орчихсон. Тэгээд л нэгэнт орчихсон болохоор үзэгчдийн өмнөөс хахаж, нулималтай биш. Бантсандаа тэр чигт нь залгисан. Тэгээд дараа нь ходоодонд ороод хөдлөөд байх шиг санагдаад “түлж алъя” гэж бодоод халуун кофе уусан гээд л бодчих. Тэгээд л би хөдөөний ялаа эрүүл байгаа гэж бодоод тоохгүй идсэн юм даа” хэмээн өөртөө тохиолдсон хүндхэн явдлаа бусдад дуулгав.

О.Ариун