Даруухан, авъяаслаг бүсгүй хэмээх тодотголтой жүжигчин О.Долгорын анхны уран бүтээл “Үл таних эмэгтэй” кино байсан. Харин телевизийн олон ангит “Өдөр өдрийн нар” уран сайхны кино түүнийг илүү олонд таниулсан гэж болно.

Түүний уран бүтээл зөвхөн дэлгэцийн бүтээлээр хязгаарлагдаагүй, тайзны уран бүтээлд ч авъяасаа сорьсон байдаг.

Харин жүжигчин О.Долгорын анхны түүхэн дүр нь “Домогт Ану хатан”-ны Мандарваагийн дүр юм.  

            “Өдөр өдрийн нар” кинонд хамт тоглосон мэргэжил нэгт жүжигчин Б.Чинзоригтой гэр бүл болон хөөрхөн хүүтэй болоод удаагүй байгаа билээ. Тэрбээр гэр бүлийн халамж гэдэг нь зай завсаргүй “хайраа” гэж дуудахыг хэлдэггүй. Хамгийн гол нь бие биенээ ойлгодог, мэдэрдэг байх нь чухал хэмээн онцолдог. Түүнчлэн ханийнхаа тухай ярих дуртай байдаг хэмээн нэгэн ярилцлагадаа онцолжээ. Учир нь   хүү минь шөнө уйлахад миний хань намайг амраах гэж босч, хүүгээ тэвэрдэг. Тэр үед л ханийнхаа хайр халамжийг илүү мэдэрдэг хэмээн дурьдсан байдаг.

Б.Хорлоо