Монгол Улс төр, эдийн засаг болон бусад бүхий л салбартаа гүн гүнзгий хямралд оржээ. Монголчууд хоорондоо албан тушаал, сандал ширээний төлөө маш ширүүн тэмцэлдэж байна.

 

Монголчуудын хоорондын тэмцэл үүгээр зогсоогүй үргэлжлэх нь гарцаагүй байна. Нацизмын шинэ давалгаа итгэж боломгүй газар үүрлээд байгаа нь Монгол Улс. Хэт үндсэрхэг үзэлтнүүд эдийн засаг нь сүйрч ядуурсан газар төрөн гарч, гаднынхан руу чиглэж байна. Энэ удаа харин тэдний гол бай нь өмнө зүгт нь буй гаднынхан болон зарим жирийн монгол бүсгүйчүүд. Гадаад эртэй дэр нийлүүлсэн эмэгтэйчүүдийн толгойны үсийг хуснаа гэж "Даяар Монгол” бүлгийнхэн заналхийлсэн. Гурван жилийн өмнө “Хөх Монгол” бүлгийн толгойлогч өөрийнхөө охины найз залууг буудаж алсны улмаас ял авсан бөгөөд шалтгааныг нь талийгаач залуу Хятадад сурдаг

байсантай холбоотой гэж ярьдаг.

 

Манай үндэстэн цэвэр цустай байх ёстой. Энэ бол тусгаар тогтнолтой холбоотой зүйл. Хэрвээ бид вьетнам хятадуудтай холилдож эхлэх юм бол тэд биднийг аажуухан залгих болно. “Монгол тийм ч баян орон биш. Мөнгө ихтэй гаднынхан хүрч ирээд манай эмэгтэйчүүдийг авцгааж эхлээд байна" хэмээн 23 настай Баттөр ярьж байсан бөгөөд Монголын хүн ам гурван сая хүрэхгүй гэдгийг дурдаж байв.

 

Сүүлийн үед вьетнам, солонгос, хятад иргэдийн асуудал анхаарлын төвд буй. Тэгвэл Баянзүрх дүүргийн XVI хорооны нутаг дэвс-гэрт орших вьетнам авто засварын газар руу Г гэх 25 орчим насны монгол залуу бусадтай бүлэглэн дайран орж, гурван вьетнам иргэнийг ажлаа хийж байхад нь биөд нь халдсан байна. Улмаар зодож, мөнгө, гар утас гэх мэт биед нь байсан эд зүйлсийг дээрэмдсэн талаар эх сурвалж мэдээлсэн. “Өнгөрсөн долоо хоногт олон нийтийн сүлжээгээр тарсан вьетнам иргэдийн зураг, бичлэгтэй холбоотойгоор, уур нь хүрсэндээ энэхүү үйлдлийг хийсэн” хэмээн анхны мэдүүлгээ өгч эхэлсэн талаар эх сурвалж мэдээлжээ.

 

Цагдаагийн байгууллагаас энэ мэт үзэл бодлын дайралтаасаа болж, буруу зүйл хийхгүй байхыг анхааруулж байгаа билээ. Гэвч манай залуус хэт үндсэрхэг үзлээ буруу илэрхийлж, буруу ашигласнаас өөрсдийгөө гэмтэн болгож байгаа нь харамсалтай.

 

“Хятад улс Монголыг эзэгнэх бодлого баримталж байна гэдэг дээр олон хүн санал нэгдэж байна" гэж Кембрижийн их сургуулийн судлаач Франк Билле ярьсан. Тухайлбал, “4 зүг” хамтлагийн “Бүү давар, хужаа нар аа” хэмээх дуунд "бууд, тэднийг, цөмийг нь бууд" гэдэг үг байдаг бөгөөд энэ дууг баар, клубүүдэд их тавьдаг байна. Түүнчлэн гаднынхан эрчүүдээ монгол эмэгтэйчүүдтэй дэр нэгтгэхийг нууцаар дэмждэг гэх орчин үеийн худал хуурмаг ам дамжсан яриа байдаг нь харамсалтай.

 

“Энэ хавраас хойш Монголд ксенофобик (гаднынхныг үзэн ядах үзэл) дайралт нэмэгдээд байна" гэж АНУ-ын Төрийн департамент тэмдэглэсэн. Түүнчлэн НҮБ-аас гаргасан Монголын тухай тоймд гурван залуухан трансжендер эмэгтэй рүү хүч хэрэглэн довтолсон талаар өгүүлсэн. “Довтлуулсан гурван эмэгтэйн нэг нь хэт үндсэрхэг үзэлтэй бүлгийг буруутгасны дараа түүнийг ална гэсэн заналхийлэл их ирсэн" гэж Монголын “Лесби, гей, бисекс, трансжендер" төвийн Нямдоржийн Анараа ярьж байгаа юм.

 

“Тэднийг олон нийт улам бүр дэмждэг болж байгаа” гэж Хүчирхийллийн эсрэг үндэсний төвийн захирал Даваасүрэнгийн Энхжаргал ярьсан. Хэт үндсэрхэг үзэлтнүүд улам бүр омог бардам болж байгаа бол хохирогчид улам бүр айж байна гэдгийг ч ярь-сан. Тэрбээр өнгөрсөн жил “Үои1иЬе"-д тавигдсан ви-дөон дээр эмэгтэй хүний урт үсийг нэг эрэгтэй хусч байгааг үзүүлснийг ярьсан. Видеон дээр хохирогч нүүрээ гараараа тагласан байсан ч бие нь айсандаа дагжин чичирч байгаа харагдаж байв.

“Солонгос, хятадууд хэ-зээнээсээ хүн муутай, наанаа инээж цаанаа хорлож байдаг хуурамч этгээдүүд. Хэдий та нар шиг хоосон толгойтнууд солонгос хятадуудын хоосон худал үгэнд хууртагдан бусдад дээрэлхүүлэх болсон ч Монголоо хайрласан ухаан-тай чадалтай мэдлэгтэй боловсролтой хэдэн зуун мянган хөх толбот хүчирхэг монгол эрчүүд хан тэнгэрээс ирэх дохио тэмдгийг хүлээн уур нь оволзож, хөмхийгөө зуун, гараа зангидан тэвчихийн дээдээр тэвчин хүг1ээж байгаа. Тэр цаг тун удахгүй ирэх болно” хэмээн айлган сүрдүүлж, занал-хийлж байна.

 

“Гадаадаас манай улсад ирж ажилладаг иргэд ямар бизнөс хийж хаагуур явдгийг хянаж цагддаг газар манайд байдаг эсэх нь эргэлзээтэй. “Эмс садарлавал улс мөхө-хийн шинж” гэдэг учраас энд тэндгүй явж, харийн эрийн өврийг дулаацуулж яваа монгол охидоо хазаарлах цаг болсон. Тэр цаг иржээ” хэмээн бусдыг заналхийлж доромжлох нь хэрээс хэтэрч байна.

 

Намайг Нэмэхбаяр гэдэг.

Би 30 настай жирийн нэгэн халх бүсгүй. Монгол оронд над шиг эрх чөлөө, үзэл бодлооороо амьдралдаа алдан гутарч яваа олон биш ч гэсэн хэсэг бүлэг залуу гэр бүлүүдийг тө-лөөлж өөрийн үзэл бодлоо илэн далангүй илэрхийлэх гэсэн юм. Би Солонгос иргэнтэй хайр сэтгэлээрээ холбогдон гэр бүл болж өөрийн эх орондоо хүн ёсоор, амьдрах гэж мэ-рийн хичээсэн боловч хэт үндэсэрхэг үзэл бодолтой цөөн залуусаас болж байнгын доромжлол дунд танхай балмад үйл явдлын золиос болон өөрийн хайртай үр хүүхдээсээ үүрд хагацаж, хайрт ханиасаа ч салж сарнихад хүрлээ.

 

Монгол залуучууд бид өнөөдөр Монгол Улсаа аврах, хөгжүүлэх ирээдүйг цогцлоох ухамсартай бай-маар. Үндсэрхэг үзэл гэж цээжээ дэлдэж, бачиурч гаднын гэгдэх хүмүүсийг үзэн ядаж, дээрэмдэн бусдыг айлган сүрдүүлж өөрсдийгөө гэмт хэрэгтэн болгохыг хэлдэг гэж үү?

 

Нэмэхбаяр

sonin.mn