“Мунзуй” хочит Г.Нямдоржийг УМБГ-ын Зохион байгуулалттай гэмт хэрэгтэй тэмцэх хэлтсийн мөрдөн байцаагчид шуурхай ажиллан баривчилсан гэнэ.

Зарим эх сурвалжийн мэдээлснээр түүнийг сар гаруй хугацааны өмнө өөр хэргээс саатуулан шалгаж байсан ч энэ хугацаанд гадуур байцаалтанд байхдаа энэ хэргийг үйлдэн өчигдөр түүнийг хэргийн газар дээрх нь баривчилсан аж.

Тодруулбал түүнийг орой Баянгол дүүргийн нутаг дэвсгэр, гуравдугаар хороололд байрладаг “Rich Hill” зочид буудлаас баривчилсан байна.

Т.Нямдорж нь нэгэн телевизийн А гэх сэтгүүлч эмэгтэйн нөхөр болох Т-г тус зочид буудалд 10 хоногийн турш дарамтлан хорьж, зодон, нохойгоор уруулахыг завдаж, 2 сая орчим юань шилжүүлэн авсаад байхад нь үйлдэл дээр нь барьсан байна.

Болсон үйл явдлын тодруулбал, өглөө гэрээсээ гарсан нөхөр Т нь гэнэт жирэмсэн эхнэр лүүгээ “Би чамаас саллаа. Чи намайг эрж хайх хэрэггүй” зэрэг элдэв сонин үгтэй мессэж бичиж эхэлжээ. Эхнэр А нь гайхаж цочирдсон ч өөрт нь асар их хайртайг мэдэх учир олон хоног эргэж ирэхийг нь тэвчээртэй хүлээсэн байна. Эцэст нь таагүй зүйл болсныг гадарлан Г.Батбаяр өмгөөлөгчид хандсанаар хэргийн учир тайлагдаж, гэмт этгээдүүд цагдаад баригдаж, гэмт үйлдэл нь таслан зогсоогдсон ажээ.Одоогоор Г.Нямдоржийг цагдан хорьсон бөгөөд мөрдөн шалгах ажиллагаа үргэлжилж байгаа аж.

Н.Чимэг