Оффшор бүсэд мөнгө нууж, нуусан мөнгөө мартсан хэмээн мэдүүлээд, хаанаас ямар замаар олсон нь тодорхойгүй болоод намжсан С.Баярцогт энэ удаа нээрэнгээсээ нэр дэвших нь үү. Уг нь саяхан АН-ын дарга З.Энхболд оффшор бүсэд данстай хүмүүсийг нэр дэвшүүлэхгүй гэж байсан юм.

Гэвч тэр худал ярьдаг, ард түмнийг горьдоодог уламжлалаараа сэнхрүүлсэн юм байна гэж ойлгоё.

Өөрөөр хэлбэл Ардчилсан намын аймаг, дүүргийн анхан шатны хороод УИХ-ын сонгуульд нэр дэвшүүлэх хүмүүсээ тодруулчихсан. Энэ удаагийн сонгуульд Сэлэнгэ аймагт С.Баярцогт, "Худлаа ярьж байгаа юм биш, долларын ханш 1000 төгрөгнөөс буурна” хэмээх оны онцлох худалчаар тодорсон Аж үйлдвэрийн сайд Д.Эрдэнэбат, дуучин Г.Эрдэнэтунгалаг нар АН-аас нэр дэвшиж байна.

Ямартай ч С.Баярцогт сангийн сайд байхдаа Щвейцарийн банкинд данс нээлгэж нэг сая ам. доллар хадгалуулж чадсан байдаг. Хамгийн эргэлзээтэй нь гэвэл оффшор данс нээлгэхийн өмнө Оюутолгойн хөрөнгө оруулалтын гэрээг хийсэн хүн байгаа юм. Албан бус эх сурвалжийн хэлж буйгаар тэднийг Оюутолгойн гэрээ хийхдээ ихээхэн авлига авсан гэх мэдээлэл ч байдаг.

Харамсалтай нь С.Баярцогт энэ тухай бичсэн хэвлэл мэдээллүүдэд мөнгө төгрөг тараагааад амыг нь дарчихдаг. С.Баярцогтын Швейцарь дахь данс нь илчлэгдсэний дараа парламент дахь сөрөг хүчний зүгээс УИХ-ын дэд даргын суудлаас буухыг шаардсан.

Тэрбээр Швейцарийн банкинд нууц данстай байсан ч хөрөнгө орлогын мэдүүлэгтээ тусгаагүй байдаг. Хэдий ийм боловч тэр дансанд орж гарсан мөнгө нь хууль ёсны байсан уу, хууль бус замаар олсон орлого уу гэдгийг хуулийн байгууллага тогтоох ёстой. Гэвч хэн ч тогтоосонгүй. Нууц дансанд нь орсон мөнгөний учрыг олоогүй байж байтал С.Баярцогт тоосон ч шинжгүй нэр дэвшиж байна. Одоо тэгээд түүнийг бас л тоосон шинжгүй нэр дэвшүүлэх үү. Улсын мөнгийг хэрэглэж, сурсан олгиархуудын нэг тод жишээ нь С.Баярцогт юм биш үү.

Н.Чимэг