МАХН-ын дарга Н.Энхбаярыг АТГ-ын албан хаагчид өрөөнд нь саатуулж буй талаар бид цаг тухайд нь мэдээлсэн билээ. Тодруулбал, АТГ-ын 30 гаруй "АТГ-ын ажилтнууд МАХН-ын байранд байцаан шийтгэх ажиллагааг явуулсан.

Байцаалтын үеэр намын даргын өрөөний үүдэнд АТГ-аас хамгаалалт гарч хэнийг ч оруулж, гаргахгүй байсан юм. Байцаалт дууссаны дараа МАХН-ын дарга Н.Энхбаяр сэтгүүлчдэд мэдээлэл хийв.

Тэрбээр "Намайг баривчлах гэж ирсэн. Өмгөөлөгч гэж тагнуул хүн авчирч миний эрхийг зөрчиж, бичиг цаасаа өөрсдийн дур сонирхлоороо бөглөчихөөд явах гэж ирсэн. Хэвлэл мэдээллийнхэн цугларсан учраас энэ удаад өнгөрөөсөн. “Орж болохгүй байна, орж болохгүй байна” гээд хоорондоо ярьж байсан. Баривчлах машинаа оруулах гээд байхгүй юу. Аягүй бол шөнө дөлөөр, хэвлэл мэдээллийн хэрэгслийнхэн байхгүй үед ирж баривчлах байх. Би энэ олон камер руу сүүлийн удаа харж байж ч магадгүй. Монголчууд минь эрх чөлөөнийхөө төлөө тэмц" хэмээв.

Түүнчлэн "Өнгөрсөн сонгуулиар сонгогчид шударга ёсыг тогтоож чадсангүй. Дээд сургуульд үнэ төлбөргүй сургах сонголтоо хийж чадсангүй. Одоо орон нутгийн сонгулуь болно. МАН, АН-д битгий санал өгөөрэй. Н.Энхбаярыг барьж хорьсон ч, алсан ч бай МАН, АН-д битгий санал” өгөөрэй" гэв.

Б.Алтжин
Эх сурвалж: Breakingnews.mn