Монгол Улсад мөрдөж байгаа Компанийн тухай хуулийг зөрчин, Засгийн газраас Эрдэнэт үйлдвэрийн ТУЗ-ийг зуун хувь төрөөс бүрдүүлэх шийдвэр гаргасан нь шүүмжлэл дагуулаад байв.

Тэгвэл өнгөрсөн баасан гарагийн орой ажлын өдрийн сүүл мушгин Эрдэнэт үйлдвэрийн ТУЗ-ийн гишүүн О.Орхон, Б.Мөнхбаатар, Да. Ганболд нарыг чөлөөлж, Эрчим хүчний яамны төрийн нарийн бичгийн дарга З.Мэндсайхан, Уул уурхай, хүнд үйлдвэрийн яамны Бодлого хэрэгжилт зохицуулалтын газрын дарга Д.Даваадорж, ТӨБЗГ-ын дэд дарга А.Дагвадорж нарыг томилжээ.

УИХ-аас гаргасан Эрдэнэт үйлдвэрийн 49 хувийг төрд авах тогтоол нь ҮХЦ дээр маргаантай байгаа энэ үед эрх баригчдын хуулийг уландаа гишгэсэн шийдвэрүүд ар араасаа хөврөн гарч байгаад хяналт тавьж, зогсоох хүчин алга. Хууль баталж, хэрэгжүүлэгчид нь өөрсдөө хуулиа зөрчөөд байхаар төрд итгэх итгэл алдрах нь аргагүй шүү дээ.

Э.Бат