Загвар өмсөгч С.Төгс шар хэвлэлийнхний хэл амны бай болсонд ихэд эгдүүцсэн байдлаа цахим хуудаснаа илэрхийлэх болжээ. Сүүлийн үед түүнийг охиноо умартан "Тэнгэрийн ханхүүтэй" хайр дурлалдаа умбаж байна гэхчлэн олон сөрөг зүйлс хэвлэлүүдээр бичих болсон.

Тэгвэл С. Төгс өөрийн цахим хуудаснаа шар хэвлэлийнхэнд хандан ингэж бичжээ.

"Би энэ шар хэвлэлийг сонирхож уншаад байдаггүй. Яагаад гэвэл миний эргэн тойрны хүмүүсийн талаар ямар ч үндэслэлгүй мэдээ бичиж байсан нь зөндөө. Одоо миний талаар ч  бас. Хэзээ ч холбоотой байгаагүй хүнтэй нийлүүлээд сүүлд нь бүтэлгүйтсэн болгоод охиноо тоох завгүй явна гэж байх шиг. Яг яагаад намайг муу хүн болгох гээд л үзэж тараад байдгийг нь ойлгохгүй байна. Би ажлаа хийж яваа жирийн нэгэн л эх хүн. Ээжтэйгээ хамжаад л өөр хэний  ч тусламжгүй өдий зэрэгт явж байгаа Хүний хийгээгүй ёс бусын хийсэн зүйл надад байхгүй. Энэ хэвлэл мэдээллийнхнээс болж Монголд амьдарч, Монголдоо гэр бүл зохиох бүтэхгүй зүйл шиг санагдаж байна. Тэр байтугай гадагшаа явахдаа монгол улсынхаа нэрийг гаргах ч урам байхгүй болж байна.Өөр юу гэхэв дээ” гэж бичжээ. Ямартай  ч түүний энэхүү сэтгэгдэл үнэхээр шар хэвлэлийнхнээс залхаж аргаа барсан уу гэлтэй харагдаж байна.