Боловсролыг яамныхан балладаг
2017/07/26
Ямар ч сайдын толгойг эргүүлээд сурчихсан хэдэн хүн энэ яамны ажлыг сайдыг байх байхгүйд удирдаад сууж байдаг. Тэд үүгээрээ сайдыг аварч чадна, бас унагаж ч чадна. Тэд эхлээд шинээр ирсэн сайдын амыг дагуулна, тэдэнд сайн хүн болж хуулийн цоорхойг ч зааж өгнө, үл бүтэх санаачилгыг нь ч мэдсээр байж хөөсрүүлнэ, мэдээж дургүй нь хүрвэл тэд юуг ч яаж гацаахаа бас сайн мэднэ.
Ирж л байдаг, явж л байдаг сайд дарга нарынхаа учрыг олох болсон ийм бул чулуунууд боловсролд тээг саад болсоор байгааг ирж очдог хүмүүс нь олж харах цаг болсон баймаар юм.
Удахгүй эхлэх хичээлийн шинэ жилд бэлэн үү!
Шил шилээ дарсан хэлхээ холбоотой тендэрүүд шалгаруулж суусаар яамныхан найман сар гаргаж байгаад бүтэн жил хийгээгүй төрийн ажлаа сар хүрэхгүй хугацаанд нэг дор гүйцээнэ. Хоёр гуравхан хоногийн нэр хөдөрсөн сургалт семинаруудаас эхлээд яамнаас хийж гүйцэтгэсэн ажлын тоог гүйцээх олон төрлийн бужигнуулсан ажлуудыг багш ажилтнуудын цалин мөнгө, зэрэг дэвээр барьцаалан дарамталсаар явуулж дуусгадаг дүр төрх энэ жил өнөөх л хэвээр үргэлжилнэ. Энэ бужигнаан дунд сурах бичгийн бизнесийг атгаж суудаг хэдхэн хүн сурах бичгийг дамын наймаа болтол нь өргөжүүлж сурах бичгийг бүр албан ёсны хомсдол үүсгэдэг болгожээ. Хаанаас ч эрээд олдошгүй сурах бичгүүд ч гэж бий. Энэ бүхний цаана өнөөх хэдэн хүний эрх ашиг нуугдаастай. Номын худалдааны томоохон дэлгүүрүүдэд огт үзэгддэггүй сурах бичгүүд хавар намарт хар захын лангуу, энд тэндэхийн агуулах савуудаар хэд дахин илүү үнээр зарагдаад явж байдаг дүр зураг тогтсон. Зохион байгуулалттай ийм ажил хийдэг хүмүүс хичээлийн шинэ жил эхлэхэд сургуулийн засвар, сурах бичгүүд бэлэн гэж сайд дарга нараараа олны өмнө худал хэлүүлж дөнгөдөг юм. Тэд бодит байдлыг бодит бус болгох авьяасаараа бүхнийг давж гардаг, уснаас ч хуурай гарч чадах авьяасаараа тэд гайхуулдаг.
Ийм нүд хуурсан ажлын горыг сайд биш эцэстээ ард түмэн амсдаг.
Ажил хийхийн оронд хүн хуурч аргалдаг энэ хүмүүсийн балаг эцэстээ олон нийт дээр л очиж тусаж, тэд л боловсролын жинхэнэ хохирогчид болсоор байна. Сургалтын чанар чансаа жилээс жилд буурч уруудаж байна, сурах бичиг алдаа мадаг, агуулга муу, бас хүрэлцдэггүйг хэлж зүрхэлдэг хүн байхгүй болсон. Хэн ч юу ч хэлсэн үгүйсгэдэг, эсвэл юман чинээ тоохоо байчихсан даварсан гарууд энэ яаманд бий. Хэвлэл мэдээллийнхэнтэй хийдэг тэдний хаалтын гэрээ шууд ард түмнийг хуурахад зориулагддаг. Хэвлэлийн эрх чөлөө манайд байхгүй болжээ.
Энэ байдал олон жил үргэлжлэх тусам, улсын сургуулийн чанар чансаа муудаж, гадна, дотнын хувийн сургуулиуд хүчээ авч цэцэглэж, мөнгөө төлж чадах нь түүн рүү хүүхдээ чирэхээс өөр аргагүй болж байгаа юм. Төрийн бодлогоор ийнхүү Монголын ирээдүйг бүр багаас нь, тийнхүү бүр эхнээс нь баян ядуугаар нь хуваан талцуулж тус тусын боловсрол эзэмшүүлэх тогтолцоо бий боллоо. Хэн ч үүнд гомдол тавихгүй, тавьсан ч хэн ч түүнийг нь сонсохгүй. Олон улсын гэгдэх сургуулиудын эздийн дийлэнх төр засгийнхан, эсвэл тэндэхийн хүүхдүүд тэд нарынх, тэд ирээдүйн манай дээдсийн хүрээлэн. Түрүү түрүүчийн сайдуудын хийдэг ажил ч эцэс сүүлдээ гадаад хэлний сургалттай тийм сургууль барьж байгуулаад гарах болж, ашиг орлого сайтайд тооцогддог ийм бизнесийг сүүлийн хоёр сайдын жишээнээс бид шууд харж болохоор байна.
Боловсролыг яамныхан балласаар байна!
Иргэн Б.Бат-Орших
Зочин · 2017/07/28
Ямар ч нэр усгүй ийм юм бичээд ч яахав дээ. Гэхдээ үүнд үнэний ор байна. Хавраас хойш юу хийж байсын. Одоо л сурах бичиг хэвлүүлэх гээд хянуулж байгаан байна билээ.
Зочин · 2017/07/26
тэр баагийнуудаа нэр устай нь бичээч__ жилийн жилд энд бичигдсэн зүйлүүд давтагдаж бдг бол мөн хэцүү еэ
Монгол хэлний дүрмийн тайлбарыг саяхандуу ФБ_ээр нэгэн нөхөр дэлгэж бсан маш сунжруу "дэл сул үг ихтэй уншигдаж бсан энэ нөхдүүдийн шахааны бизнес болоод тийм модон хэлтэйгээр сурах бичиг нь хэвлэгддэг байх нь
Зочин · 2017/07/26
боловсорлын систем үнэхээр дампуурсан одоогийн сурах бичгээс хүүхдүүд ямарч мэдлэг олж авахгүй ганц ч дүрэм байхгүй 70 80 аад оны сурах бичгийн үг өгүүлбэр нь одоо ч мартагддаггүй сайхан өгөөжтэй номнууд байжээ тэгээд л байсгээд үгнүүийг өөрчлөх юм ямар хэрэг байнаа
ВААВ ВААВ Л ДА · 2017/07/26
100 үг бичихэд 86 алддаг сэтгүүлч нэртэй барамтай саяхан тааралдлаа хурлийн форткүүл гэж бичнэ гэж надтай 30 минут маргалдаад сүүлдээ аргаа бараад орхисон Ганц хэлдэг үг нь ВААВ ВААВ Л Да гэх юу гэж байгаан гэхээр чи англи хил \уг нь хэл гэж хэлдэг биздээ\ мэддэггүй юм уу гайхалтай гэсэн үг шүү дэ онгирох Ээ бүү үзэгд энэ хувийн их дээд сургууль гэсэн тэнэгүүдийн 5 жилийн дамжааг хаагаач Боловсрол ШУхааны Яам биш тэнэгтэж эргүүтхийн газар болжээ
Зочин · 2017/07/26
Ажилаа мэдэх мэргжэлийн хүнээр нь сайд хийлгээч сайдын суудал шагналын суудар болсон Батэрдэнэ авраг Батлан хамгаалахын сайд гээд бод доо