Магадгүй “Дуулахаасаа илүү тачааддаг” гэх тодотгол “Киви” хамтлагийн хамгийн оновчтой дүрслэл байж болох. Тэдний камерын өмнө хэрхэн аяглаж, нүүрээ яаж будсан, юу өмссөнийг харахаас яг дууг нь онцгойлон сонсдог хүн хэд байдаг бол? Оросын “Виагра” хамтлагийн монгол хуулбар гэмээр үзэсгэлэнт охидоор имиж хийдэг “Киви” тэртээ 2004 онд байгуулагдаж байв. Нэг мэдэхэд 11 жил өнгөрч, 11 настай хамтлаг болжээ. Хамтлагийн гишүүдээс хар, шар хоёр нь солигддоггүй бол Ази төрхтэй гишүүн нь энэ хүртэл 4 удаа солигдсон байх юм. П.Алтанцэцэг буюу Агий хэмээх охин дунд сургуулийн сурагчийн ширээнээс энэ хамтлагт орсон. Хамтлагийн нэг гишүүн нь гэрийн эзэгтэй болж нөгөө нь соло уран бүтээл хийж эхэлсэн нь Агийг ганцаардахад хүргэж байгаа болов уу. Тэгвэл “Киви”-гийн Ази төрхтэй гишүүн энэ хугацаанд амьдралдаа хэрхэн manage хийснийг та бүхэнд сонирхуулахаар скандал онцоллоо.

FACT 1: Агий энэ жил 26 настай, биеийн өндөр 174 см. 45 дугаар сургуулийн сурагч байсан тэрбээр төгсөлтөө “Гэгээрэл” дунд сургуульд хийсэн байдаг. Ихэнх хүмүүс түүнийг дээд сургуульд орохын оронд дуулж хуурдаж явсан гэж боддог. Яг аль сургууль төгссөн талаар мэдээлэл байдаггүй ч банкны эдийн засагч мэргэжилтэй гэх юм билээ. Хилэнцийн ордны бүсгүй маань айлын ганц охин, дээрээ нэг ахтай. Хамтлагт орохоосоо өмнө “Монгол модель” агентлагт загвар өмсдөг байсан. Түүгээр ч барахгүй мэргэжлийн хэд хэдэн тэмцээнээс шагнал хүртээд байсан өсөх ирээдүйтэй модель. Харин монголоор нэг гунхах сайхан охид дундаас “Киви”-д онцгойлон шилэгдсэн нь хамтлагийн гишүүн Намуунаатай багын найз байсантай нь холбоотой.

FACT 2: Рок поп хамтлагийн бүсгүйчүүд дундаас хамгийн дур булаам нь хэн болохыг тодруулах санал асуулгад Агий удаа дараа тэргүүлж байв. Бүсгүйчүүд бүгд таримал гоо үзэсгэлэнг илүүд үзэж мэс засалд хошууран дурлах болсон энэ үед тэр анх гарч ирсэн төрхөө хадгалж байгаа цор ганц нь гэж хэлж болно. Төрөлхийн гоо үзэсгэлэн даруухан төрх нь түүний имиж гэлтэй.

FACT 3: Эгэл жирийн гэр бүлээс гаралтай ч үеийнхнээсээ хамаагүй эрт амьдралд хөлөө олох сайхан завшааныг урлагийн буян түүнд олгов. “Gucci”, “Versace”-г үеийнхэн нь ойроос ч хараагүй байх насанд тэр аль хэдийнэ гоёод эхэлчихсэн байсан. Түүний цүнх, гутал, даашинз бүгд энэ брэндийнх гэдэг. Гэсэн ч LV-гийн ганц цүнхэндээ их дуртай бололтой үргэлж барьж яваа харагддаг. Бүр дөрвөн ч удаа манай дуранд энэ цүнхтэйгээ өртсөн байна шүү.

FACT 4: Түүний анхны болзоот хархүү экс ерөнхийлөгч Н.Энхбаярын эгчийн хүү Г.Эрдэнэ байлаа. Ээжийн хамтаар хоолны газрын сүлжээний бизнес эрхэлдэг Г.Эрдэнэ залуу боловч бийлэгжүү эр.  Дуучин бүсгүй гэнэтхэн 70 саяын үнэтэй “Infiniti FX35” машинаар гангарах болсон нь ерөнхийлөгчийн гэр бүлийн хаялга гэлцэх хүн олон байв. Гэсэн ч Агий өөрөө энэ машиныг авсан гэж тас гүрийсэн.

FACT 5: Бааранд түүнээс болж залуус зодолдон буун дуу гаргаж хутга мэсэндээ хүрсэн явдал нэг хэсэг дуулиан тарив. Тулаанчдын нэг нь экс найз залуу Г.Эрдэнэ нь байсан бол нөгөө нь Х.Мэгэддорж. Хэн нь Агийтай хамт гарч явах эсэх дээр санал зөрөлдсөн гэх юм билээ. Агий экстэйгээ өөр залуутай явж байгаад таарсан байж болох юм гэж хүмүүс таамаг дэвшүүлж байв. Нээрээ ч тийм байдалтай халз тулгарах эвгүй байх шүү. Хэдий салсан ч гэсэн болж өгвөл таарахгүй зөрөхөд гэмгүй ч биз.

FACT 6: Түүнийг сайхан бүсгүйчүүдийн эрлэг Асашёорюү Д.Дагвадоржтой нууц амрагийн холбоотой байсан гэлцдэг. Хачирхалтай нь Агий бусад залуустайгаа хөтлөлцөн гүйж хэвлэлийн дуран хараанд өртчихдөг бол Асатай хамт явж харагдаагүй. Нууц амраг нууц л байхгүй бол нэрнийхээ утгыг илэрхийлж чадахгүй биз. Харин түүний дараагийн ил романс ZZ байлаа. Дуучин, яруу найрагчийн дээр царайлаг тул үргэлж бүсгүйчүүдийн анхаарлын төвд байдаг  ZZ Мартагаасаа салсны дараа Агийтай сэтгэлийн шархаа анагаасан бололтой. Үерхэлээ нууцалж нууцалж бас л хэвлэлийнхэнд баригдсан хоёр доо.

FACT 7: Агий Б.Баттулга хэмээх энэ залуутай гурван жилийн турш хамт байсан нь бараг зарим хүмүүсийн хувьд гэрлэж бараалахаар хугацаа юм. Б.Баттулга бол Канад, Америк, Мексикт олон жилийн турш ажилласан Монголд цөөхөн байдаг хайгуулын өрмийн инженер мэргэжилтэй эр. Олон залууст мэддэг чаддагаа зааж өгч уул уурхайн салбарт хувь нэмрээ оруулж буй тэрбээр ажилсаг хичээнгүйгээрээ үнэлэгдсэн нэгэн. Хосууд хамтдаа тоглолт үзэж цагийг тун хөгжилтэй өнгөрүүлж байсан ч нэг мэдэхэд хоёр тийш болсон билээ. Бас л хурим болсонгүй. Энэ хооронд хамтлагийн нэг гишүүн нь айл гэрийн эзэгтэй болж нөгөө нь бие даан уран бүтээл хийв. Харин Агий уран бүтээлч тал дээр төдий л санаа зовсон шинжгүй.

FACT 8: Нэг мэдэхэд Агийгийн сольсон залуус ил, далд нь тоогоо алдав. Түүний хамгийн сүүлийн сонголт эрхэм гишүүн, “МАК”-ын эрх агь Н.Номтойбаяр. Гэргий нь хоёр дахь хүүхдийг нь төрүүлэн нялх биетэй байх үед гэнэт салж буйгаа ил болгосон Н.Номтойбаярын болзсон эхний бүсгүй Агий биш юм. Ард түмний мисс Д.Ариунцэцэгийн дараа болзсон гэсэн үг. Хачирхалтай нь Агий хамтлагийн гишүүн Укагийн ээж Т.Замандаар засал хийлгэн байж Н.Номтойбаярыг өөртөө татсан гэх. Бөөгийн хүчтэй заслын арганд орсон уу Н.Номтойбаяр түүнд унаж туссан. Гэсэн ч Агий түүний өмнө нь холбогдсон бүсгүйчүүдийг бодвол урд нь амьдрал зохиогоогүй, хүүхэдгүй гэдэг утгаараа давуу талтай байсан байж мэдэх юм.

Хамтлагтаа л залуу нь болохоос Агий аль хэдийнэ гэр бүл зохиох насанд хүрсэн билээ. Дуулиантай эхэлсэн тэдний романс гадаадад аялан халуухан үргэлжлэв. Гэвч бичсэн мэдээний бэх нь хатаагүй байхад дөнгөж сая салалт нь чих дэлсэв. Богино хугацаанд л болзсон хоёр маань эв найртайгаар хоёр тийш болсон гэх. Агий энэ болзоонд багагүй хүч тавьж, нэр төр нь ч хэвлэлээр салам унасных төлбөрөө хангалттай авсан гэж үзэж болохоор. Эрхэм гишүүн түүнд “Range Rover”авч өгөн салжээ.

Түүний дараагийн болзоот залуу хэн бэ? Салалтын ханшаа шударгаар, ил цагаан тогтоосон нь магадгүй тэр ганцаараа байж мэдэх юм. Хүнээс юм авсан ч аваагүй гэж тас гүрийн хоногийн хоолоо яая гэж байгаа ээж аавыгаа саятны дүрд тоглуулахын оронд энэ нь дээр ч юм шиг. Авсан өгсөндөө өлзийтэй залуу нас, гоо зүсээрээ гоёж хөнжлийг нь дулаацуулсан бол ханш тогтоох нь чухал ч биз. Бэлтэй эрчүүдийг дамжин хөлжиж яваа түүнд жөтөөрхөх бүсгүйчүүд амжилт хүсэж буйгаасаа ч олон биз. Магадгүй Агий “Киви”-гийн түүхэнд хамгийн менежмэнт сайтай бүсгүйгээр бичигдэх нь. Хүнтэй гэрлэхгүй, бие давхар болохгүй гэсэн хатуу гэрээг тэр биелүүлж байна. Тэр хатуу гэрээнд хэн нэгнээс үнэтэй бэлэг авахгүй, хэдэн эртэй нэр холбогдох эсэх талаар заалт байхгүй билээ. Хуулийн цоорхой гэдэг шиг гэрээнд ч бас цоорхой байна шүү.

Эх сурвалж: “Гранд сэтгүүл