Хүүхэд бүрт олгогдох ёстой 20мянган төгрөгийг хүүхэд хараахан бүр хүртэж чадахгүй байгаа билээ. Одоогийн байдлаар Монгол Улсын нийт хүүхдүүдийн 60 хувь нь л авч байгаа. Тэгвэл Ерөнхийлөгч Х.Баттулга хүүхэд бүрт хүүхдийн мөнгө олгохтой холбоотой УИХ-ын тогтоолын төсөл санаачилжээ.
Засгийн газрын өнөөдрийн хуралдаанаар эл асуудлыг хэлэлцээд цаашид нийт хүүхдийн 80 хувьд мөнгө өгөхийг зорьж байгааг Ерөнхийлөгчид уламжлахаар тогтсон байна. Энэ оны Төсвийн тухай хуульд хүүхдийн мөнгийг зорилтот бүлгийн 684 мянган хүүхдэд өгөхөөр 164.2 тэрбум төгрөг тусган баталсан юм.