Хошин урлагийн чадварлаг жүжигчдийн нэг С.Өлзийхүүг олон хүн мэдэх билээ. Тэрбээр “Шилдэг өнгө” продакшны дэд захирал, нярав, жолооч, зургийн дарга, найруулагч гээд олон ажлыг амжуулж яваа авьяаслаг жүжигчин юм.

Үүнээс гадна түүний гэр бүл ч урлагийн хүмүүс. Нөхөр Хүсэлтбаатарыг найруулагч гэдгээр нь сайн мэдэх бол охин Баярмаа нь мөн л урлагийн хүн болсон билээ. 

Одоо 51 настай жүжигчин Өлзийхүү цахим орчинд олны анхаарал татаад байгаа нь гадаад төрхөөсөө болжээ. Тавь гарсан ч гуалиг сайхан болж буй түүнийг хэрхэн турсан нууцыг олон сонирхон сууна.