Эрүүл мэндийн яам, Нийслэлийн эрүүл мэндийн газраас тодруулга авлаа.

Эрүүл мэндийн байгууллагууд хэвийн ажиллаж байна. Эмнэлгүүд өөр дээрээ нөөц үүсгүүртэй бөгөөд түүгээрээ цахилгааныхаа хэрэглээг хангаж байна. 

Улсын хэмжээний томоохон эмнэлэг болох УНТЭ, Шастины нэрэмжит гуравдугаар эмнэлэг, Эх хүүхдийн эрүүл мэндийн төв хэвийн ажиллаж байгаа гэдгийг Эрүүл мэндийн яамнаас мэдээллээ. 

Тухайлбал, ЭХЭМҮТ 19 генератортой, цахилгаан тасалдсан ч яаралтай тусламж, мэс засал гээд бүх тасаг хэвийн ажиллаж байна гэдгийг тус төвийн орлогч дарга А.Оюунчимэг хэлж байна.

Харин дүүргийн нэгдсэн эмнэлгүүд дээр байрлах генератор 8-24 цаг цахилгаанаар хангах хүчин чадалтай бөгөөд нэмэлтээр мотор ажиллуулдаг гэдгийг Нийслэлийн эрүүл мэндийн газраас мэдээллээ.