Жижиг дунд үйлдвэрийг хөгжүүлэх сангаас нэн хөнгөлттэй зээл авсан гишүүдийн мэдээлэл цахим орчинд тархсан цаг үеэс эхлэн гишүүд зээлээ төлсөөр байна. Тухайлбал, УИХ-ын гишүүн Ж.Энхбаяр авсан зээлээ төлсөн гэнэ. Тэрбээр энэ тухай өөрийн твиттер хуудсаараа дамжуулан "Миний нэр холбогдсон компани зээлээ төлж барагдуулсан байгаа" хэмээн мэдээлжээ.

 

 

Өмнө нь тэрбээр жижиг дунд үйлдвэрийг хөгжүүлэх сангийн зээлийн тухай "Миний тодорхой хувийг нь эзэмшдэг компани Монгол үхрийн чанарыг сайжруулах зорилгоор, Сэлэнгэ үүлдрийн үхрийн үржлийн аж ахуйг эрхэлдэг. Энэ төслийн 20-иод хувийн санхүүжилтийг ЖДҮ-ээс авсан байдаг. Гэтэл энэ салбарт хичээж ажиллаж байгаа, хийж бүтээх хүсэлтэй энэ залууст хувьцааны тодорхой хувийг эзэмшсэнээрээ би нэмэр болохоос илүү нэрмээс болох нь их юм даа" хэмээн бичиж байсан юм.