Нийтийн дууны урлагт хүч төрөн гарч ирж буй залуу уран бүтээлч Д.Нямжав "Эвийн түшигтэй анд", "Ээж минь", "Учрах тавилан" зэрэг дуунуудаараа олны хүндлэлийг хүлээгээд байгаа юм. 

Тэрээр сүүлийн үед уран бүтээлийн олз омог ихтэй яваа бөгөөд "Харанга" хамтлагийн дуучин МУУГЗ Ц.Чулуунбаттай хамтран "Нутгийн чулуу" дууг дахин амьдруулан дуулжээ. Тэдний хамтарсан уран бүтээл 11 сарын 29-ны өдөр цацагдаж олны хүртээл болсон юм. 

Мөн тэрээр өнгөрөгч 11 дүгээр сарын 25-ны өдөр "Тэр л зүгт" цомгийн нээлтээ амжилттай хийсэн бол ирэх нэгдүгээр сарын 18-ны өдөр анхны бие даасан тоглолтоо хийхээр төлөвлөж бэлтгэл ажилдаа оржээ.