Энэ орчлонгийн чимэг болсон эмэгтэйчүүдийн баярын өдөр тохиож мянга мянган ээжүүд, охид бүсгүйчүүд маань халамжит хань, хайртай залуудаа эрхэмлэн дээдлэгдэж баярлан цэнгэх энэхүү сайхан баярыг тохиолдуулан “Номин талст” хамтлагийн дуучин МУ-ын Соёлын Тэргүүн Т.Дэлгэрмөрөн “Гэрэлт үзэсгэлэн гоо” хэмээх хүндэтгэлийн цэнгүүн, шоу тоглолтоо энэ сарын 8-нд “SS CLUB”-т 19.00 цагаас ганцхан удаа хийсэн юм.

Нар, Сар, Эмэгтэй хүн гуравыг энэ ертөнцийн гийгүүлэгч нь хэмээн ихэд дээдлэн хүндэтгэн тоглосон тус тоглолтонд, МУ-ын Ардын жүжигчин А.Долгор, МУГЖ Т.Ариунаа, МУГЖ Э.Бүрнээбаяр, МУГЖ Т.Баясгалан, Азийн ятгын хатан хаан МУСТА Ч.Мөнх-Эрдэнэ, МУ-ын Морин хуурын чуулга, ҮДБЭЧ-ийн 9-н хатад, Яруу найрагч Ц.Хулан, Улсын Филармоны Баянмонгол чуулга зэрэг олон гайхалтай уран бүтээлчид оролцжээ.

Дуучин Т.Дэлгэрмөрөн “Гэрэлт үзэсгэлэн гоо” тоглолтоо монголын бүх сайхан эмэгтэйчүүддээ болоод хайрт ээждээ дээдийн дээд хүндэтгэл үзүүлэн тоглосон тоглолтын фото сурвалжлагыг хүргэж байна.