Увс аймгийн Ховд сумын Ховд багийн “Ховд” голын усанд /аймгийн төвөөс баруун урд зүгт 180 км-т, сумын төвөөс хойд зүгт 5 км-т/ 09.08-ны өдрийн 16:30 цагийн үед тус сумын харьяат иргэн Д-гийн хүү Д /1 нас 6 сартай, эрэгтэй/ живсэн тухай дуудлага есдүгээр сарын 08-ны өдрийн 16:50 цагт Онцгой байдлын албанд иржээ.

Дуудлага мэдээллийн дагуу тус аймгийн Онцгой байдлын газрын Эрэн хайх, аврах бүлгийн гурван алба хаагч, Гал түймэр унтраах, аврах 41 дүгээр ангийн гурван алба хаагч, нэг автомашин, нэг завь, орон нутгийн 18 иргэн, 9 мотоцикл, нийт 24 хүн, 11 техник хэрэгсэлтэйгээр 09.09-ний өдрийн 06:30 цагт эрэн хайх ажиллагааг эхлүүлсэн байна.

Тухайн өдрийн 12:40 цагт хүүгийн цогцсыг тус сумын Ховд багийн “Хужир булан” гэдэг газар (гэрээс нь баруун зүгт гурван км-т)-т “Ховд” голын уснаас цогцсыг олж цагдаагийн байгууллагад шилжүүлэн өгчээ.