Дуучин Т.Дэлгэрмөрөн эхнэртэйгээ үл ойлголцон хоёр тийш болсон тухай мэдээлэл өнгөрсөн сар цахим орчинд тараад байсан билээ. Тэгвэл тэрбээр хоорондоо эвлэрч гэр бүлээ элэн бүтэн авч үлдсэн тухайгаа өөрийн цахим хуудаснаа ийн бичжээ.  

Олон нийтийн сүлжээнд гэр бүлийн зөрчлөөс үүссэн хэрүүл маргаанаа,сэтгэл хөдлөлөө,хямрал гутралаа хоёр биенийхээ эсрэг ашиглан маргалдсан бидний тэмцэл ийнхүү эерэгээр дуусах болов. Манай нийгэмд үүсээд байгаа амьдралын хар бараан бүхнийг ил тод илчилж дотоод сэтгэлээ цагаанаар илэрхийлсэн нь бид хоёр болохоос,илчилж бичих юмсан гэсэн өрх айл бүрийн ямар нэгэн дотоод асуудал,уур бухимдал бидний зүрх сэтгэлд өвчин болон үүрлээд буйг бүгд дотроо мэдэж байгаа шүү дээ. Энэ бүхнийг тэсээд даваад гараагүй ямар олон залуус,гэр бүл,үр хүүхдээ өнчрүүлсэн байдаг болохыг энэ хэдэн өдөрийн дотор хангалттай олж мэдсээн.Бид хоёр ийм зүйлийг хийхгүйээ. Нэгнээ хүндэтгэх ёс,хэлж харуулж болохгүй зүйл гэж байдгийг ухамсарлах ухаан бид хоёрт дутсанч өөрийн бие хүнээ олж авах ухаан дутаагүй шүү.

Олон түмнийхээ нүдэн дээр буруу үлгэр дууриал үзүүлээд яах юм бэ гэсэн ухамсар байдаг болохоор дор бүрнээ л бичсэн нийтэлсэн сэтгэгдлээ усгах тоолонд харамсалтай нь буух эзэнгүй буцах хаяггүй сайтууд бидний зургийг эвлүүлэн ашиглаж улам бүр дэвэргэн олон нийтэд сурталчилж байгааг та бүхэн харж ялгаж,шүүж тунгаах биз ээ.

Заа юутай ч Солонгон аашт минь үрийг минь тэврээд бидэн хоёр дээрээ буцаад ирсээн.Амьдралд ам гарж болдоггүй ч ахин манай гэр бүл та бүхний нүдэнд,чихэнд муу муухайгаар харагдахгүйг хичээх болно оо. Бид хоёрыгоо үнэхээр маш ихээр уучилж өршөөгөөрэй ард олон минь. Манай ард түмний дунд "Цусаа гартал зодолдож,тосоо гартал тэврэлдэнэ"гэдэг ёгт үг байдаг даа.Яг түүн шиг бид хоёр энэхэн биесийнхээ эд эсийг танин дурлалцаж эвдэрч,эвлэж явсан нэгэн гэр бүлийн ХАЙР байсныг эерэгээр тунгааж энэ бүхнийг одоо ингээд өнгөрөөчихөөрэй хэмээн гуйя даа Дээгий нь. Сэтгэл онгойж уйтай байсан бүхэн үүл мэт арилан одлоо.Сайхан байна,амьдрал богинохон шүү дээ ах дүүсээ.Бие биенээ хамгаалж хайрлаж амьдарцгаая.

Солонгон ааштыгаа энэ хүртэл зовоосондоо эр хүнийхээ хувьд чинь зүрх сэтгэлээрээ уучлал гуйж байна хайртай хань ижил минь.Энэ бүхэнд бид хоёрын амьдралд үүссэн бүхнийг хүлээцтэй тэвчээртэй хадгалж үлдэх чадвар дутсан нь үнэхээр миний алдаа байлаа.
Нийслэлийн цагдан сэргийлэх албанаас манай гэр бүлийг дуудаж хүчирхийллийн учир шалтгаан,үр хүүхдүүдийн тайван амгалан байх орчин хэрхэн байгааг шалгах гэж дуудсан.Бид нийгэмдээ болоод хууль хүчний байгууллагадаа ийнхүү иргэн хүнийхээ хувьд тоогдож байгаадаа баяртай байна.

Бас энэ улсынхаа нэр төртэй иргэн хүнийхээ хувьд хуулиа дээдлэн хүндэтгэн очиж ухамсрлан уучлалт гуйх болно.Харин бид бүхний нэр хүндийг болох болохгүй талаас нь ашиглаж түмэнд түгээн дэлгэрүүлээд байгаа өнөөх буух эзэнгүй буцах хаяггүй сайтуудыг цагдаагийн байгууллагатай хамтран илрүүлж тогтоон тэдэнд зохих хариуцлагыг заавал үүрүүлэх болно оо.

Энэ хугацаанд бидний хүнд хэцүү байдлыг ашиглаж,цаана нь амьдарч үлдэх,үргэлжлэх хүмүүсийн сэтгэлд сэв суулгасан ноцтой худал хуурмаг увиагүй мэдээллүүдийг зохион дэлгэрүүлж,өөрсдийн сайтын нэр хүндийг олж авах тандалт болгон ашиглаж байсан бүхнийг бид мартаагүй.

Монгол төрийн цагдаа хүчний байгууллага айл өрх бүрийн хэрүүл маргааныг шүүгээд явж байдаг жаахан хүүхдийн цэцэрлэг биш улсын минь нэр төртэй хуулийн байгууллага шүү дээ гэж хүндэтгэж байна даа иргэн Т.Дэлгэрмөрөн би.
Удахгүй бид хэд өнөөх амтат Live-аа хийгээд эргээд ирнэ ээ.Би чинь мундаг операторчин шүү дээ гах гах гах.