“Мөнхий залуу” тодотголтой загвар өмсөгч Э.Одгэрэлийг өдгөө танихгүй хүн ховор. Түүний нэр алдарт гарч, загварын хатан хаан болсон түүх их сонин бөгөөд түүнд их амжилтыг дагуулсан гэдэг.  Хавдар судлалын эмнэлэгт угаагчаар ажиллаж ажил амьдралын гараагаа эхлүүлсэн ирээдүйн топ модель  20 настай байхдаа үсчин гоо засалчдын тэмцээнд манеканаар уригдсан байдаг. Энэ үед нь нүүрээ будуулаад зогсож байхад нь Монголын загварын загалмайлсан эцэг гэгддэг Б.Түвшин агсан олж харан, Шилмэл загварын ордонд хүрч ирж уулзах урилга өгсөн гэлцдэг юм билээ. Харин өдгөө Э.Одгэрэл загварын тайзнаа "мөнхийн хэмээн алдаршиж яваа". Өдгөө 52 насандаа  Италийн алдартай дотуур хувцсыг амилуулж хагас нүцгэн төрхөөрөө шуугиан дэгдээх болсон түүний "өөрчлөлт"-ийг гэрэл зургаар сонирхуулж байна.