Ерөнхий сайд Л.Оюун-Эрдэнэ Засгийн газраас хэрэгжүүлэх 10 их наяд төгрөгийн хөтөлбөрийг танилцуулахдаа шударга ёс цахим засаглалыг хэрэгжүүлнэ гэдгийг онцолсон. 

Ерөнхийлөгч Л.Баттулга өрх бүрд нэг сая төгрөгийн дэмжлэг үзүүлэх санаачилга гаргасан юм. Тэрээр өрхүүдэд 200 мянган төгрөгийг бэлнээр, үлдсэн 800 мянган төгрөгтэй тэнцэх хэмжээний эрхийн бичиг олгох санал гаргасан. Эрхийн бичгээр гагцхүү үндэсний үйлдвэрлэгчийн бараа бүтээгдэхүүнээс худалдан авах эрх олгохыг онцолсон юм.

Харин Ерөнхий сайд Л.Оюун-Эрдэнэ энэ саналыг дэмжихгүй гэв. Тэрээр “Бид бэлэн мөнгөний амлалтаар сонгууль хийдгээ болих хэрэгтэй. Иргэдэд нэг удаа тэтгэлэг өгөөд юу ч өөрчлөгдөхгүй. Ажлын байрыг нэмэх нь л хамгийн зөв арга зам” гэсэн юм.     

Цаашид дарга нар энэ тэнд очоод өөр өөр юм яриад байж болохгүй. Бүх онцгой комиссууд УОК-ын шууд удирдлагаар явна. Цаашид мэдээллийн нэг эх сурвалжтай байна. Төрийн байгууллагууд нэгдсэн мэдээллийг өгдөг байх хэрэгтэй. Харин хэвлэл мэдээллийн байгууллагууд өөрсдийн чөлөөт зарчмаар ажиллахад бид хөндлөнгөөс нөлөөлөхгүй.

Яг одоо ажлын байрыг цомхотгоно гэхгүй ч үр ашиггүй ажиллаж байгаа төрийн байгууллагын орон тоог багасгана. Ажлаа сайн хийж байгаа төрийн албан хаагчдад энэ хамаагүй" хэмээн онцлон хэллээ.