УИХ-ын гишүүн, Ардчилсан Намын даргын үүрэг гүйцэтгэгч Ц.Туваан өнөөдөр /2021.03.05/ мэдээлэл хийлээ.  Энэ үеэрээ тэрээр :"УИХ-ын 2020 оны сонгуульд АН ялагдал хүлээсэн учраас удирдлагууд хариуцлагаа хүлээсэн.

Гэтэл  АН-ын дарга асан С.Эрдэнэ нь АН-ын гишүүн ч биш болчихсон атлаа намын дотоод зөрчлийг үүсгэж, МАН-тай хамтран АН-ыг Ерөнхийлөгчийн 2021 оны сонгуульд оролцуулахгүй байх ажлыг зохион байгуулж байна гэж би хардаж байна.

Би өчигдөр Ардчилсан намын ҮБХ-ны цахим хуралд оролцож, “АН-ын Дотоод сонгуулийн хорооноос 3 сарын 28-ны өдөр зарласан АН-ын даргын сонгууль  хэвээр үргэлжилнэ. Шаардлагатай гэж үзвэл АН дотор яваад байгаа хоёр тамгыг Үндсэн дүрмийн хороонд хүлээлгэн өгч, шинэ намын дарга сонгогдоход албан ёсоор хүлээлгэж өгнө гэж хэлсэн" гэв.