Эрийн хийморь мандаасан Монгол бөхийн өргөөнөө дуунд дуртай дуучин түмэн чуулж хайртай дуучныхаа сэтгэл баясгасан сайхан тоглолтыг үзэж хамтдаа дуулж, бүжиглэж цэнгэцгээлээ.

Тодруулбал ихэр мэт нэр ижилссэн дуучдын дундаас гэгээн хайр, уянгалаг хэмнэл, хөнгөн айзам энэ бүхнээрээ ялгарч үзэгч, сонсогчдынхоо хайр хүндэтгэлийг хүлээсэн нийтийн дуучдын нэгдсэн холбооны тэргүүн, МУСТА Г.Чинболор өөрийн анхны бие даасан “Төгөлдөр гоо” тоглолтоо өчигдөр түмэн олондоо толилуулсан нь энэ байлаа. Хайрын дуунууд ээлж дараалан эгшиглэж, түмэн олныг гэгээн ертөнцөөр аялуулсан энэ гайхалтай тоглолтыг МУГЖ Г.Эрдэнэбат хөтлөн явуулсан нь түмэн олныг үнэнхүү баясгасан юм.

Мөн тоглолтонд урилгаар МУСТА Б.Энхмэнд, СТА Д.Хишигбаяр, СТА Р.Дэлгэрмаа, Мөрөөдлийн театрын уран бүтээлчид, БЦДБЧуулгын уран бүтээлчид, Уран нугараач Г.Нямгэрэл, Түмэн эх чуулгын бүжигчид, Азийн модель агентлагийн загвар өмсөгчид оролцож тоглолтын эзэнд болоод үзэгч түмэнд чинь сэтгэлийн мэндчилгээ дэвшүүлсэн юм. Ингээд та бүхэндээ “Төгөлдөр гоо” тоглолтын фото сурвалжлагаа хүргэе.