АН-ын Их хурлын үеэр /2022.07.02/ тус намын гишүүн Д.Алтанхуяг С.Эрдэнийг түлхэн унагаж, зодсон гэх хэрэгт холбогдож, түүнийг 48 цагийн хугацаатай саатуулсан.

Тэгвэл Д.Алтанхуягийг шүүгчийн захирамжгүй саатуулсан хугацаа дуусаж, түүнийг өчигдөр /2022.07.04/ сулласан байна. Тодруулбал, С.Эрдэнэ гэмтлийн зэргээ тогтоолгохоор шүүх эмнэлэгт хандсан. Харин шүүх эмнэлгийн дүгнэлт гараагүй байгаа учир прокурорын байгууллагаас Д.Алтанхуягийг бусдыг "заналхийлсэн" гэх үндэслэлээр эрүүгийн хэрэг үүсгэн шалгаж байгаа аж.

Тиймээс түүнийг үргэлжлүүлэн хорих саналыг прокурорын байгууллагаас гаргасан байна. 

Харин Д.Алтанухягийг үргэлжлүүлэн цагдан хорих, таслан сэргийлэх арга хэмжээ авах тухай шүүх хурал өчигдөр /2022.07.04/ зарлагдаагүй аж. Тиймээс түүнийг цагдан түр саатуулсан 48 цагийн хугацаа дууссан тул ийнхүү суллажээ. Эх сурвалжийн мэдээлж буйгаар Д.Алтанхуягийг цагдан хорих, таслан сэргийлэх арга хэмжээ авах эсэх шүүх хурал өнөөдөр /2022.07.05/ товлогдох юм байна. 

Тэгвэл эх сурвалжийн мэдээлж буйгаар, Д.Алтанхуягийн биеэс хутга мэсний зүйл илрээгүй, харин тухайн хурал зохион байгуулж байсан газраас хоолны ширээний хутга олдсон байдаг. 

Д.Алтанхуяг: Бухимдлаа барьж чадалгүй, зохисгүй үйлдэл гаргасандаа намын гишүүдээсээ уучлалт хүсэж байна