Нийтлэлч Баабар өөрийн twitter хуудастаа: " Сүхбаатар дүүргийн цагдаагаас намайг байцаах дуудлага ирлээ. Утас 80884040. Зинамэдэр гэдэг түүхч гэгч өндөр настан Улсын прокурорт гомдол гаргажээ. 1932 оны лам нарын бослогыг Ардын бослого гэж нэрлэсэн хэрэгт арга хэмжээ авч өгөөч гэжээ. Улсын Ерөнхий прокурор арга хэмжээ ав гэж цагдаа руу шилжүүлжээ. Прокурор шалгуулахаар цагдаад өгсөн гомдол дээр Батбаяр буюу Баабар 1990 оны 3-р сард болсон Социал Демократ намын их хурал дээр лам нарын бослогыг Ардын бослого гэж мушгин нэрлэсэн гэжээ.

Орост бохир, заль мэхний сэдэлтэй зохиомол хэрэг боохдоо өндөр настан, ахмад дайчдаар гомдол өгүүлдэг арга дэлгэрсэн.

Яг үнэн, нээрэн тэндээс санаа авсан байж болох. Навальныг ахмад дайчинг нийгмийн сүлжээнд харлуулсан гэж шоронд хийж. Зөнөөд юу ярьж буйгаа мэдэхгүй өвгөний ач хүү нь гэх ажилгүй гар гомдолд өвгөнөөр гарын үсэг зуруулсан байсан." хэмээн бичсэн билээ.

Энэ нь үнэн агаад УЕПГ-аас Сүхбаатар дүүргийн Прокурорын газарт хандан, хэрэг үүсгэн мөрдөн шалгах ажиллагаа явуулахыг тус дүүргийн цагдаагийн газарт хүргүүлсэн байна.

Баабарт хэрэг үүсгүүлэхээр гомдол гаргасан гэх этгээд нь 1933 онд төрсөн, НАХЯ-ы чекист байсан ахмад настан аж.