УИХ-ын гишүүн асан З.Баянсэлэнгэ нэгэн үе МАХН-д цуг гишүүн явсан О.Баасанхүүгийн тухай үзэл бодлоо нийгмийн сүлжээнд илэрхийлжээ.

Тодруулбал тэрээр:

"Дуугүй сууж чадахгүй нь. Хүний үнэн царайг хэлэхгүй өнгөрч бүүр чадахгүй. Нөхөрлөсөн хүнээ мууллаа гэвэл нөхөрлөөгүй, журмын нөхрөө гэвэл хамтран зүтгээгүй шүү гэдгийг эхлээд хэлчихье. Осолдохгүй нэг бүлэгт, нэг намд харьяалагдаж байсан уу гэвэл тийм. Баасанхүү чи одоо боль.Чамд ард иргэдийн төлөө цохилох зүрх байхгүй. Сэтгэл ч үнэртэхгүй. Чамд баг хамтрагчаа хамгаалах, тэдний төлөө явах, амалсандаа хүрэх өчүүхэн төдий сэтгэл ч байхгүй.

Чамд ганцхан зүйл байдаг. Өөрийн, амин хувийн эрх ашиг. Үнэт зүйл, үзэл бодолгүй чамд АН яагаад мандат өвөртлүүлснийг мэдэхгүй. Магад нэг суудал авах байх гэж бодсон байх. Эсвэл Хурц, Эби ах нь дэмжсэн үү?

Хүн үү ?, хог уу ? гэдгийг ялгаж байсан ч гишүүдээ маллаад дэвшүүлсэн үү⁉️

Тэглээ ч чи тэднийгээ эргээд худалдана. Чиний сурсан зан бол өөрөөсөө бусдыг хэнийг ч худалдана. Чи Н.Энхбаяр даргаар бойжиж, намаар нь танигдаж, гишүүд дэмжигчдийн нуруун дээр гишгэж гишүүн болсон. Тэр бүгдийг чи худалдсан.

Чамтай нэг завин дээр суусан биднийг ч бас худалдсан. Худалдаад зогсохгүй бүүр дэвсэлсэн. Удахгүй чи АН-аа худалдана. Одоо чи уянгалж л байгаа. Эргээд өөрийнхөө төлөө зүтгэж байгаа өнөөдрийн АН-ы хэдэн бор гишүүдээ худалдана.

Зүгээр л Ванга шиг хэлчихье.Би чамайг харанхуй шөнө, хар хувцастай явсан ч үнэрээр чинь танихын хувьд зүгээр л уншина дөө. Баасанхүүд итгэж цаг хугацаа битгий бар Чингэлтэйчүүд, Сүхбаатарчуудаа. Ямар ч үед хүнээрээ байх, үнэн нүүр царай нь ил, чалчдаг биш хийдэг, бусдыг харлуулдаг биш дэмждэг, хагалгаж бутаргадаг биш бүтээдэг, чихрийн цуглуулга шиг хүмүүсийг биш, ЖИНХЭНЭ атгасан гараа тавихгүй БАГИЙГ сонговол, ирэх дөрвөн жил нервтэж стрестэхгүй, голдоо ортол гомдохгүй, байх болов уу гэсэндээ дуугүй сууж чадахгүй бичлээ. 

Миний хүүхэд нас,ээж аавтайгаа элэг бүтэн амьдарсан хоймор хайрханд, Баасанхүү мэтийн ХҮН ХОГ-ын сүүдэр бүү тусаг.

Баасанхүү чи одоо боль, хөгшөөн. " гэсэн байна.