УИХ-ын ес дэх удаагийн сонгуулиар байгуулагдсан парламентын анхдугаар чуулганы хуралдааныг нээж Монгол улсын Ерөнхийлөгч У.Хүрэлсүх үг хэлсэн. 

Үүний дараагаар 126 гишүүд тангаргаа өргөсөн юм. 

УИХ-ын дэгийн тухай хуулийн дагуу УИХ-ын дарга сонгогдох хүртэл хуралдааныг хамгийн ахмад гишүүн даргалах ёстой. Энэ дагуу энэ удаагийн парламентад сонгогдсон хамгийн ахмад гишүүн Д.Рэгдэл Анхдугаар чуулганыг даргалж байна.

Анхны чуулганаараа, УИХ-ын даргыг томилох асуудлаар хэлэлцлээ.

Д.Амарбаясгаланг нэр дэвшүүлэхээр санал болгож, санал хураав. Санал хураалтаар 126 гишүүнээс олонхи нь дэмжсэн бол 5 гишүүн татгалзсан юм. Ийнхүү олонхийн саналаар УИХ-ын даргаар Д.Амарбаясгалан томилогдлоо.