МАН-ын Удирдах зөвлөл Төрийн ордонд өнөө өглөө хуралдав. Тус хурлаас УИХ дахь МАН-ын бүлгийн даргад Л.Мөнхбаатарыг дэвшүүлэхээр тогтсон байна. 

УЗ-ийн энэхүү шийдвэрийг бүлгийн хурлаар хэлэлцээд дэмжсэн байна.МАН-ын Удирдах зөвлөлийн хурлаас УИХ-ын дэд даргаар Х.Булгантуяаг сонгох улс төрийн шийдвэр гаргажээ. 

Энэхүү томилгоог  УИХ-ын чуулганы хуралдаанд танилцуулжээ. 

УИХ дахь Ардчилсан Намын бүлэг хуралдаад Монгол Улсын Их Хурлын дэд даргаар Б.Пүрэвдоржийг сонгожээ. Бүлгээр нэр дэвшүүлсэн энэхүү асуудлыг УИХ-ын чуулганы хуралдаанд танилцуулснаар гишүүд гар өргөн санал хураалтад оролцов. Б.Пүрэвдоржийг УИХ-ын дэд даргаар сонгохыг чуулганы хуралдаанд оролцсон 110 гишүүн 100 хувийн саналаар дэмжлээ. 

Мөн УИХ-ын дэд даргаар МАН-аас Х.Булгантуяаг дэвшүүлэн санал хураахад 100 хувь дэмжлээ.

Мөн хуралдаанаар УИХ-д суудалтай намуудын бүлгүүд даргаа сонгосноо танилцуулах юм.