Монгол Улсын нийгэм, эдийн засгийн 2024 оны эхний хагас жилийн үзүүлэлтүүдийг Үндэсний Статистикийн Хорооноос өнөөдөр мэдээллээ. 

Нэг ажилтанд ногдох сарын дундаж цалин энэ оны 1 дүгээр улирлын байдлаар 2.3 сая төгрөг болж, өмнөх оны мөн үеэс 24.7 хувиар нэмэгджээ. 

Ажиллагчдын сарын дундаж нэрлэсэн цалингийн индекс 2020 оноос 87.1 хувиар нэмэгдсэн хэдий ч худалдан авах чадварыг илэрхийлэх бодит цалингийн индекс 32.4 хувиар нэмэгдсэн байна. 

Уг мэдээллийг Нийгмийн даатгалын шимтгэл төлөлтийн тайланд 2024 оны эхний улирлын байдлаар хамрагдсан 50.2 мянган аж ахуйн нэгжийн 753.4 мянган ажиллагчдын мэдээлэлд тулгуурлаж тооцсон байна. 

Нэг ажилтанд ногдох сарын дундаж цалинг салбараар нь авч үзвэл: 

• Уул уурхай, олборлолтын салбарт ажиллагчдын цалин хамгийн их буюу дунджаар 5.7 сая төгрөг
• Зочид буудал, байр сууц болон нийтийн хоолны үйлчилгээний салбарын ажиллагчдын цалин хамгийн бага буюу 1,4 сая төгрөг байна.