Монгол Ардын нам, Ардчилсан нам, ХҮН нам 2024-2028 онд хамтран ажиллах санамж бичиг байгуулж, Засгийн Газар байгуулан ажиллаж буй билээ.

АН дахь эх сурвалжийн өгүүлж буйгаар Дэд Сайд, Төрийн Нарийн Бичгийн Дарга болон бусад төрийн удирдах албанд ажиллах хүсэлтээ намынхаа удирдлагад илэрхийлсэн гишүүдийн тоо 250 орчимд хүрсэн.

Эдгээр хүсэлт гаргагчдын дийлэнхи нь өөрсдийгөө АН-даа олон жил тууштай зүтгэсэн, мэдлэг боловсролтой, олон нийтэд буюу салбартаа танигдсан, улс төрийн туршлагатай гэж тодорхойлсон тухай бид өчигдөр мэдээлсэн билээ.

Мэдээж албан тушаал горилогчид зөвхөн АН-д байдаггүй нь тодорхой. МАН-д албан тушаал горилогчдын тоо АН-аас хэд дахин их байгаа нь тодорхой. Тэдний албан тушаал хөөцөлдөх арга барил ч АН-ынхантай харьцуулахын аргагүй идэвхтэй байгаа аж. Тэр бүү хэл албан тушаал горилогчдын гуйлтаас залхсан МАН-ын дарга нар гар утасныхаа орох ярианы эрхийг хаасан гэнэ.

Э.Мягмар

sonin.mn