Цагдаагийн ерөнхий газрын дэд даргаар О.Ганбат, Т.Ганзориг нар ажиллаж байсан билээ. Тэгвэл Цагдаа, дотоодын цэргийн байгууллагын сахилга, хариуцлага, дотоод хяналт шалгалт хариуцсан Дэд дарга Т.Ганзоригийг чөлөөлж, Н.Мөнхзулыг томилжээ.

Тэрбээр хууль сахиулах байгууллагын боловсон хүчнийг бэлтгэх ажилд 22 дахь жилдээ ажиллаж буй бөгөөд хууль зүйн доктор, дэд профессор цолтой юм байна.

Цаашид цагдаа, дотоодын цэргийн байгууллагын алба хаагчдын сахилга хариуцлагыг нэмэгдүүлэх, ёс зүйн хэм хэмжээг төлөвшүүлэх, хүний эрхийг дээдлэх, алба хаагчийн аюулгүй байдлыг хангах ажлыг хариуцан ажиллах юм байна.