LEXUS 600 машины жолооч олон нийтийн газар хүүхдийн биед халдаж буй бичлэг өчигдөр олон нийтийн сүлжээнд цацагдсан.

Тэгвэл энэхүү хэргийн талаар ЦЕГ-аас тодруулахад, 

Цахим орчинд 2024 оны 09 дүгээр сарын 25-ны өдрийн 16:31 цагт бичлэг нийтлэгдсэнийг цагдаагийн байгууллагаас бүртгэн зөрчил шалган шийдвэрлэх ажиллагаа явууллаа. Цахим орчинд нийтлэгдсэн бичлэг дээрх зөрчил нь Баянзүрх дүүргийн 43 дугаар хорооны нутаг дэвсгэрт байрлах Натур худалдааны төвийн дунд зам дээр үйлдэгдсэн байна.

Уг зөрчилд холбогдуулан тээврийн хэрэгслийн жолооч 42 настай, эмэгтэй О-г шалгаж, Монгол Улсын Зөрчлийн тухай хуулийн тусгай ангийн 5.3 дугаар зүйлийн 1 дэх хэсэгт зааснаар буюу “Хүний биед гэмтэл учруулахгүйгээр халдаж зодсон” гэх заалтаар 100 нэгжээр торгох шийтгэл оногдууллаа. Хохирогч 21 настай

Зөрчлийн тухай хуульд зааснаар:

5.2 дугаар зүйл.Танхайрах

1.Олон нийтийн газарт, эсхүл орон байранд:

1.1.хэрүүл маргаан үүсгэж;

1.2.бусдыг өдөөн хатгаж;

1.3.бусдын амгалан тайван байдал алдагдуулж;

1.4.олон нийтийг үл хүндэтгэж;

1.5.үйлчилгээний болон дарааллын журам зөрчиж биеэ авч явах нийтээр хүлээн зөвшөөрөгдсөн хэм хэмжээг зөрчсөн, эсхүл аж ахуйн нэгж, байгууллагын хэвийн үйл ажиллагааг алдагдуулсан бол хүнийг нэг зуун нэгжтэй тэнцэх хэмжээний төгрөгөөр торгох, эсхүл албадан сургалтад хамруулж долоогоос гуч хоногийн хугацаагаар баривчлах шийтгэл оногдуулна.

5.3 дугаар зүйл.Хүний биед халдах

1.Хүний биед хохирол учруулахгүйгээр халдаж зодсон бол хүнийг нэг зуун нэгжтэй тэнцэх хэмжээний төгрөгөөр торгоно гэж заасан байдаг.