Ерөнхий сайдын ажлын албанаас 126,4 сая төгрөг зарцуулан Соёлын сайд Ч.Номингийн хамаарал бүхий Тэрэлж зочид буудалд 2025 оны төсвийн хэлэлцүүлэг, хурлыг зохион байгуулсан.

Төрийн хэмнэлтийн тухай хууль хэрэгжиж буй энэ цаг мөчид Соёлын сайд давуу байдал гарган Засгийн ажлыг өөрийн эзэмшилдээ зохион байгууллаа хэмээн иргэд олон нийт шүүмжилж буй.

Тэгвэл уг асуудлаар Соёлын сайд Ч.Номин тайлбар хийжээ.

Тэрбээр хэвлэлд өгсөн ярилцлагадаа "Албан ёсоор хэлэхэд би төрийн албанд орох үедээ өөрийнхөө эзэмшлээс татгалзаад Тэрэлж зочид буудал миний эзэмшил байхаа больсон. Тийм учраас энэхүү үйл ажиллагааг явуулсан болон, үйл ажиллагааг нь хүлээж авсан байгууллага хоорондын асуудал учраас би хамааралгүй, тэр хүмүүсээс нь тайлбар авах нь зүйтэй.

Тиймээс ямар нэгэн үйл ажиллагаанд нь би оролцдоггүй. Дотоод, гадаад зохицуулалт Монгол Улсын зочлох үйлчилгээний салбарт 50 гаруй жил үйл ажиллагаа явуулж байгаа монголд анхны таван одтой зочид буудлын стандартыг бий болгосон газар. Тиймээс ямар үйл ажиллагаа явуулах нь тухайн байгууллагын зохицуулалт. Тэгэхээр захиалга өгч үйл ажиллагаа авсан, нөгөө талдаа захиалга өгч үйл ажиллагаагаа хийсэн байгууллагуудаас нь тодруулга авах нь зүйтэй байх. Миний хувьд улс төрийн үйл ажиллагаанд оролцож байгаа хүн өндөр ёс зүйтэй байх ёстой гэж хардаг. Тэр ч утгаараа хуулийн хүрээнд ч боломжгүй, ёс зүйн хүрээнд ч боломжгүй зүйл учраас миний өөрийн удирдаж, ерөнхийлөн захирч байгаа байгууллагууд, Соёлын яамны хувьд эдгээр байгууллагатай хамтран ажилласан зүйл байхгүй.   

Миний хувьд УИХ-ын гишүүн, Засгийн газрын гишүүн учир уг хэлэлцүүлэгт оролцсон.