СХД-н 34-р хороонд үйл ажиллагаа явуулдаг нэгэн гэр цэцэрлэгт бага насны хүүхэд харамсалтайгаар амь насаа алджээ. Ой гаруй настай хүүхэд хахсан байдалтай олдсон бөгөөд амьсгал хураасныг нь ч мэдэлгүй цаг маш их алдсан хэмээн зарим эх сурвалжууд мэдээлж байна. 

Амь насаа алдсан хүүхдийг эхний байдлаар хахчихсан байхад багш нь унтсан гэж бодоод анзаараагүй аж. Хүүхдийн хумс, хуруу нь хөхөрч амьсгал хураасан байхад нь эмнэлэгт хүргэсэн гэх мэдээлэл байгаа бөгөөд цогцосыг нь шүүх шинжилгээний алба руу илгээж одоогоор цагдаагийн байгууллага хэргийн газар ажиллаж байгаа аж. 

Энэ талаар ЦЕГ-н хэвлэл мэдээллийн албанаас, Цагдаагийн байгууллагын 102 тусгай дугаарын утсанд 2024.10.28-ны өдөр 16 цаг 03 минутад “Сонгинохайрхан дүүргийн 34 дүгээр хорооны нутаг дэвсгэрт байрлах цэцэрлэгт 1 нас 2 сартай эрэгтэй хүүхэд нас барсан” гэх дуудлага, мэдээлэл ирүүлсний дагуу Сонгинохайрхан дүүргийн цагдаагийн газрын нэгдүгээр хэлтсээс мөрдөн шалгах ажиллагааг явуулж байна гэв.