Эрдэс баялгийн салбарын олон улсын чуулган “Mining Week & MinePro-2024” арга хэмжээ дөрөв дэх өдрөө үргэлжилж байна. Өнөөдөр Монгол Улсын Ерөнхий сайд Л.Оюун-Эрдэнэ  “Mining Week & MinePro-2024” арга хэмжээнд оролцож Эрдэс баялгийн салбарын талаар төрөөс баримтлах бодлого, үйл ажиллагааг  танилцуулж, Засгийн газраас хэрэгжүүлэх хөгжлийн мега төслүүдэд хөрөнгө оруулагчдыг хамтран ажиллахыг урилаа.

Мөн уул уурхайн долоо хоногт оролцогч аж ахуйн нэгжүүдийн үйл ажиллагаатай танилцлаа. Энэ үеэр “Эрдэнэс Тавантолгой” ХК-ийн талбайгаар зочилж хэрэгжүүлж буй төсөл хөтөлбөр, үйл ажиллагаатай танилцаж компанийн хамт олонд амжилт хүслээ.