Л.Оюун-Эрдэнэ: Эрдэнэс Тавантолгой компани ашигтай ажилласан. Өнөөдрийн байдлаар иргэн бүр 350 мянган төгрөгийн ногдол ашиг хүртэх боломж бүрдсэн. Ногдол ашгийг ихэнхдээ 3, 4 сард олгож байсан бол энэ удаа хүйтний улиралд олгох нь чухал гэж үзсэн. Өмнө нь 100 мянга орчим төгрөг олгож, тэр нь инфляцид төдийлөн нөлөөлдөггүй байсан бол багадаа 350 мянга, 400, 500 мянгыг олговол инфляц өдөөх том эрсдэл болно. Тиймээс гурав хувааж олгохоор шийдвэрлэсэн. Агаарын бохирдол зэрэг олон асуудал байгаа учир Хуримтлалын санд үүссэн хуримтлалтай ижил дүнгээр буюу 135 мянгаар олгохоор шийдвэрлэсэн.

2024 оны тайлан гарсны дараа 2025 оны 1, 2-р сард хуулийн дагуу иргэн бүрд 135 төгрөгийн ногдол ашиг олгоно. Ногдол ашгийг өөр зүйлд зарцуулж, хууль зөрчихгүй. 

Хоёрдугаарт, Улаанбаатар хотын утаа, замын түгжрэл гамгийн түвшинд хүрснийг хүлээн зөвшөөрөх ёстой. Тиймээс өндөржүүлсэн бэлэн байдлын зэрэгт шилжүүлсэн. Улаанбаатар хотын тулгамдсан асуудлыг яаралтай шийдвэрлэх хүрээнд  УИХ-тай хамтарч ажиллахын тулд эрхзүйн тусгай орчин хэрэгтэй гэж үзэж байна. Үүнийг ирэх долоо хоногийн даваа гарагаас УИХ-д танилцуулна.