Холимог тулаанч З.Шинэчагтага Сүхбаатар дүүргийн 9 дүгээр хорооны нутаг дэвсгэрт бусдыг айлга сүрдүүлэн танхайрсан гэх бичлэг цахим орчин тараад буй билээ.

Тэгвэл энэ талаар хууль хяналтын байгууллагаас дараах тодруулгыг өглөө.

Үүнд, 2025 оны 01 дүгээр сарын 02-ны өдөр Сүхбаатар дүүргийн 9 дүгээр хорооны нутагт байрлах хятад хоолны газар иргэн З.Ш нь гар буу /үрлэн сумтай/ гарган танхайрсан асуудалд Зөрчлийн тухай хуулийн 5.2 дугаар зүйл “Танхайрах” заасны дагуу шалгалтын ажиллагааг явуулж, Шүүхээр 7-30 хоног баривчлах саналыг хүргүүлж, Дүүргийн эрүү, иргэний хялбаршуулсан шүүхээс 100 нэгжээр торгох шийтгэл оногдуулж шийдвэрлэсэн.