2024 оны нэгдүгээр сарын 23-нд Завхан аймгийн Отгон суманд агаарын температур -48.8 градус хүрч хүйтэрсэн нь өнгөрсөн оны үнэмлэхүй бага температурын утгаар бүртгэгдсэн байна. 

Энэ долоо хоногийн амралтын өдрүүд буюу нэгдүгээр сарын 25-26-нд шилжих шөнө тус бүс нутгаар дээрх утгад дахин хүрэх урьдчилсан төлөвтэй байгаа талаар Цаг уур, орчны шинжилгээний газраас мэдээллээ. 

Өнөөдөр баруун аймгуудын нутгийн зүүн, говийн аймгуудын нутгийн баруун хэсэг, төвийн аймгуудын ихэнх нутгаар цас орж, цасан шуурга шуурч маргаашаас ихэнх нутгаар хүйтрэх төлөвтэй байгаа юм. 

Иймд зам, даваа, гүвээнд халтиргаа гулгаа үүсэж, үзэгдэх орчин хязгаарлагдах тул тээврийн хэрэгслийн бүрэн бүтэн байдлаа хангаж, анхаарал болгоомжтой зорчихыг зөвлөлөө.