ХҮН нам УИХ-ын 2024 оны ээлжит сонгуулиар 1 тэрбум 95 сая төгрөгийн хандив цуглуулжээ. Харин түүнийхээ 1 тэрбум 45 сая төгрөгийг нэг компанийн 37 охин компаниас авсан гэж УИХ-ын гишүүн Ө.Шижир өнөөдрийн чуулганы хурлаар ярив.

Тодруулбал, тэрбээр "ХҮН нам УИХ-ын 2024 оны ээлжит сонгуулиар 1 тэрбум 95 сая төгрөгийн хандив цуглуулсан. Үүний 1 тэрбум 45 сая төгрөгийг нэг компанийн 37 охин компаниас авсан байна. Улс төрийн намуудын санхүүжилт бол хуульчилсан авлига. Нийт санхүүжилтийнхээ 98 хувийг компаниас авна гэж юу гэсэн үг вэ. Ийм улс төрийн нам байж болохгүй, компанийннам юм уу. Энэ бол төрийн эрхийг хууль бусаар авах гэсэн хуульчилсан хулгай байна " гэв.

Тэгвэл ХҮН намд сонгуулиар хандив өгсөн компаниудын жагсаалтыг хүргэж байна. Тодруулбал, ХҮН намд "М Си Эс" групп болон охин компаниудаараа дамжуулан олгожээ.