УИХ-ын гишүүн Д.Цогтбаатар өөрт нь оноосон ялыг нь хойшлуулах хүсэлтээ гуравдугаар сарын 10-нд Улсын Дээд шүүхийн Эрүүгийн хэргийн танхимын шүүгч Ч.Хосбаярт хандан хүргүүлсэн билээ.

Тодруулбал тэрээр УИХ-ын гишүүнээр ажиллах бүрэн эрхийн хугацаа дуусгавар болох хүртэл ял эдлэх хугацааг хойшлуулж өгөхийг хүссэн юм. Гэвч энэ нь боломжгүй аж.

Учир нь Эрүүгийн хууль хянан шийдвэрлэх тухай хуулийн 37.5 дугаар зүйлд "Шүүхийн шийтгэх тогтоол биелүүлэхийг хойшлуулах" үндэслэлийг Шүүх анх удаа хөнгөн гэмт хэрэг үйлдсэн өсвөр насны хүн, жирэмсэн эмэгтэй, гурав хүртэлх насны хүүхэдтэй эх, ганц бие эцэгт хорих ял оногдуулсан шүүхийн шийтгэх тогтоол биелүүлэхийг 2 жил хүртэл хугацаагаар хойшлуулж болно. Энэ хугацаанд ялтанд шүүхийн шийдвэр гүйцэтгэх байгууллага хяналт тавина." гэж заажээ.

Өөрөөр хэлбэл лайвчин Д.Мөнх-Эрдэнийн дүү, УИХ-ын гишүүн Даваагийн Цогтбаатар цаг хугацааны машинаар өсвөр насандаа буцаж очих юм уу? жирэмсэлсэн дэлхийн анхны эрэгтэй хүн болдоггүй л юм бол ялаа хойшлуулж чадахгүй юм байна.